Ájos Evstrátios
Ájos Evstrátios (gresk Άγιος Ευστράτιος) eller St. Efstratios er ei lita øy i Hellas som høyrer til Dei nordegeiske øyane i Egearhavet. Øya ligg 30 km sørvest for Límnos og 80 km nordvest for Lésvos.
| Ájos Evstrátios Lokalt namn Άγιος Ευστράτιος | |
|---|---|
 Landsbyen Ájos Evstrátios | |
| Geografi | |
| |
| Stad | Egearhavet |
| Koordinatar | 39°31′N 25°00′E / 39.517°N 25.000°E |
| Øygruppe | Dei nordegeiske øyane
|
| Areal | 43,325 km²
|
| Administrasjon | |
| Land | Hellas |
| Periferi Periferieining |
Dei nordlege egeiske øyane Límnos |
| Største busetnad | Ájos Evstrátios (270 innb.)
|
| Demografi | |
| Folketal | 270 (2011[1]) |
| Folketettleik | 22 /km² |
Ájos Evstrátios er eigen kommune, og frå 2011 høyrer øya administrativt til under periferieininga Límnos i periferien Dei nordlege egeiske øyane.[2]
Ved folketeljinga i 2011 hadde kommunen Ájos Evstrátios 270 innbyggjarar, som alle budde i tettstaden med same namn.[1]
Ájos Evstrátios er ei roleg og isolert øy. Klimaet er tørt med lite nedbør om vinteren og lange, varme somrar. Landskapet er hovudsakleg steinete med lite og låg vegetasjon. Havet omkring er derimot rik på fisk og fiske er hovudnæringa her. Det er fleire flotte strender rundt øya som Ájos Antonios, Lemonies, Avlakia og andre, som ein kan nå med kaik. Øya har båtsamband til Límnos, Ájos Konstandínos, Kými og Kavála.
Øya er kalla opp etter St. Efstratios, som levde i eksil på øya på 800-talet fordi han stod imot den biletstormande politikken til den austromerske keisaren Leon Armenaren.
Øya vart nytta til å huse politiske fangar i eksil på 1930-talet. I 1968 vart øya råka av eit jordskjelv som øydela dei fleste bygningane, og desse vart erstatta av betongbygningar som planmessig vart bygd i ein militærleirliknande stil. Øya har likevel ein tiltalande hovudby, òg kalla Ájos Evstrátios. På 1970-talet vart øya igjen nytta til å halde politiske fangar. Den mest kjende av desse var musikaren Mikis Theodorakis.
Byar og tettstader endre
Den einaste tettstaden i kommunen er:
| Tettstad | Folketal 2011[1] |
|---|---|
| Ájos Evstrátios | 270 |
Småøyar i kommunen:
- Áji Apóstoli (0)
- Roúmbos (0)
Referansar endre
- ↑ 1,0 1,1 1,2 Folketeljing 2011, revidert
- ↑ Νόμος 3852/2010 - ΦΕΚ 87Α/7-6-2010
Lov 3852/2010: Kallikratis-reforma, arkivert frå originalen 30. juli 2023, henta 7. september 2023
- Denne artikkelen bygger på «Saint Eustratius (Island)» frå Wikipedia på engelsk, den 8. august 2007.