Ça Ira
Studioalbum av Roger Waters
Språk fransk
Utgjeve 26. september 2005
Innspelt 2. desember 1988 – 29. august 2005
Sjanger
Lengd 1:48:29
Selskap Sony Classical
Produsent
  • Roger Waters
  • Rick Wentworth
Roger Waters-kronologi 
Flickering Flame: The Solo Years Volume 1
(2002)
Ça Ira Roger Waters: The Wall
(2015)


Ça Ira (fransk for «Alt/Det blir bra», omsett her som «Det finst håp») er ein opera i tre aktar av Roger Waters til ein fransk libretto av Étienne Roda-Gil og kona hans Nadine, basert på historier frå Den franske revolusjonen. Den første innspelinga vart gjeve ut 26. september 2005, med songarane Bryn Terfel, Huang Ying og Paul Groves.

Meldingar
Karakter
KjeldeKarakter
Allmusic3/5 stars[1]
Rolling Stone3/5 stars[2]

Historie endre

Det tok lang tid å gjere dette albumet. Waters, som er mest kjend som medlem av rockebandet Pink Floyd, møtte Roda-Gil i 1987 med spørsmål om han ville komponere musikken til librettoen deira. Den første versjonen var ferdig og innspelt i slutten av 1988. Etter at François Mitterrand høyrte stykket vart han så imponert at han bad Opéra National de Paris å framføre den for 200-årsfeiring av revolusjonen juli året etter. Operadirektørane var derimot motvillig, i følgje Waters fordi han var engelsk og hadde spelt i eit popband. Prosjektet vart lagt på hylla fram til 1995, då Waters byrja å omarbeide materialet for ei profesjonell innspeling og framføring.

Mottaking endre

Ça Ira fekk gode meldingar. Enkelte var kritiske til at operaen var for forteljande, og at det derfor ville vere vanskeleg å setje det opp på ein scene, og dermed bryte flyten i stykket. Dei fleste meldarane var derimot einige om at musikken var svært bra, og til og med glimrande i enkelte delar (frigjeringa av slavane og avrettinga av Marie Antoinette vart særleg trekt fram). Andre kritikarar meinte derimot at musikken var for konvensjonell og at Waters burde ha våga meir.

Sidan operaverda er forholdsvis konservativ, frykta Waters harde kritikkar av Ça Ira, men vart letta då han fann ut at meiningane deira var ganske moderate.

Liste endre

Albumet gjekk til første plass på Billboard si Top Classical Chart og Sony si Classical Chart i både USA og Storbritannia. Albumet selde bra i mange europeiske land, og selde mellom anna til platina i Polen.

Framføring endre

Første gong ein kunne høyre Ça Ira var på Malta, kvelden då Malta vart med i EU. Eit om lag 15 minutt langt utdrag kunne høyast av dei 80 000 frammøtte. Musikken vart akkompagnert av eit lysshow av Gert Hoff.

Så langt har det vore konsertframføringar av Ça Ira i Roma, Poznań i Polen, Kiev, Beijing, Tokyo og Moskva. Premieren fann stad i Roma 17. november 2005.

Tittelen endre

«Ah! ça ira» er ein song frå den franske revolusjonen. Waters nytta ikkje den originale teksten (frå om lag 1790, visstnok av ein gatesongar kalla «Ladré»). Den mest kjende utgåva av denne songen vart spelt inn og sunge av Édith Piaf.

Innhald endre

Disk ein endre

Akt ein endre

  1. «The Gathering Storm» – 1:38
  2. «Overture» – 4:06
  3. Scene 1: A Garden In Vienna 1765 – 0:53
  4. «Madame Antoine, Madame Antoine» – 2:53
  5. Scene 2: Kings Sticks And Birds – 2:41
  6. «Honest Bird, Simple Bird» – 2:10
  7. «I Want To Be King» – 2:37
  8. «Let Us Break All The Shields» – 1:45
  9. Scene 3: The Grievances Of The People – 4:40
  10. Scene 4: France In Disarray – 2:34
  11. «To Laugh Is To Know How To Live» – 1:44
  12. «Slavers, Landlords, Bigots At Your Door» – 3:36
  13. Scene 5: The Fall Of The Bastille – 1:34
  14. «To Freeze In The Dead Of Night» – 2:19
  15. «So To The Streets In The Pouring Rain» – 4:17

Akt to endre

  1. Scene 1: Dances And Marches – 2:11
  2. «Now Hear Ye!» – 2:18
  3. «Flushed With Wine» – 4:31
  4. Scene 2: The Letter – 1:39
  5. «My Dear Cousin Bourbon Of Spain» – 2:48
  6. «The Ship Of State Is All At Sea» – 1:46
  7. Scene 3: Silver Sugar And Indigo – 0:55
  8. «To The Windward Isles» – 4:50
  9. Scene 4: The Papal Edict – 1:17
  10. «In Paris There's A Rumble Underground» – 6:19

Disk to endre

Akt tre endre

  1. Scene 1: The Fugitive King – 2:21
  2. «But The Marquis Of Boulli Has A Trump Card Up His Sleeve» – 4:27
  3. «To Take Your Hat Off» – 2:40
  4. «The Echoes Never Fade From That Fusillade» – 3:15
  5. Scene 2: Commune De Paris – 2:43
  6. «Vive La Commune De Paris» – 3:16
  7. «The Assembly Is Confused» – 2:41
  8. Scene 3: The Execution Of Louis Capet – 1:39
  9. «Adieu Loius For You It's Over» – 3:45
  10. Scene 4: Marie Antoinette - The Last Night On Earth – 1:39
  11. «Adieu My Good And Tender Sister» – 5:09
  12. Scene 5: Liberty – 2:51
  13. «And In The Bushes Where They Survive» – 6:52

Salslister og salstrofé endre

Salslister endre

Liste (2006) Plassering
Polske album (ZPAV)[3] 12

Salstrofé endre

Region Salstrofé Salstal
Polen(ZPAV)[4] Platina 20 000*

*salstala er basert på sertifiseringa aleine

Kjelder endre

  1. Ruhlmann, William. Ça IraAllmusic. Henta 18. juli 2019.
  2. Album review Rolling Stone Arkivert 10. mars 2007 ved Wayback Machine.
  3. "Oficjalna lista sprzedazy :: OLIS - Official Retail Sales Chart" (på polsk). OLiS. Polish Society of the Phonographic Industry. Henta 5. januar 2014.
  4. «Polish album salstrofé – Roger Waters – Ça Ira» (på polsk). Polish Producers of Audio and Video (ZPAV). Henta 5. januar 2014. 

Bakgrunnsstoff endre