Ólavsøka

Ólavsøka (‘olavsvoke’, det same som olsok) er den færøyske feiringa av olsok den 28. og 29. juli, som er nasjonaldagen deira. Á Ólavsøku feirar færøyingane den norske kongen Heilag-Olav, som døydde 29. juli 1030 på Stiklestad).

Ólavsøka 2012 med færøyske politikarar, prestar og eit kor framfor Lagtingshuset.

Ólavsøkan er ei sameining av politikk og kristendom. Færøyingane er det einaste nordiske landet som valde olsok som nasjonal heilagdag både religiøst og politisk. Heilag-Olav var norsk konge, men arbeidde for å få Færøyane inn under den norske krona.

Ólavsøka er den færøyske forma for det latinske vigilia sancti Olavi (vigilia = vøka på færøysk og tyder ‘voke/vake’). Helgenkongen Olav har alltid hatt ein sentral plass i færøysk religiøs og politisk tradisjon og kultur.

På denne dagen vert Lagtinget på Færøyane opna i hovudstaden Tórshavn. Medlemene av Lagtinget, medlemer av Færøyane sitt landsstyre, biskop, alle prestane og dei høgste embetsmennene går i prosesjon frå Lagtingshuset til Tórshavn domkyrkje. Etter ei gudsteneste (St. Olavsmesse) går dei attende til Lagtingshuset der lagmannen held opningstalen.

Sjå òg

• Olsok

Bakgrunnsstoff

• Ólavsøka-webcam 2005 Arkivert 2004-08-11 ved Wayback Machine.
• Portal.fo - Ólavsøkuskrúðgongan 2005 (Bilete frå Ólavsøkaprosesjonen med lagmannen framme)
• Stamps.fo - Postverk Føroya
• Lisbeth Nebelong: Færøysk fest med undertoner Arkivert 2005-08-27 ved Wayback Machine.
• Drekin.fo - Havnar Roðrarfelag Arkivert 2017-05-17 ved Wayback Machine. (på færøysk, alt om kapproing med færøybåtar)