Øvsttun
Øvsttun er eit bustadområde og ein gard i Fana i Bergen. Garden ligg på sørsida av Midtunelva, søraust for Nesttun.
| Øvsttun | |||
| stad | |||
| Land |  Noreg
| ||
|---|---|---|---|
| Fylke | Hordaland | ||
| Kommune | Bergen | ||
| Postnummer | 5223 NESTTUN | ||
| Gardnummer | 44 | ||
 Øvsttun 60°18′32″N 5°21′48″E / 60.308969°N 5.363431°E | |||
| Wikimedia Commons: Øvsttun | |||
Namn endre
Garden var opphavleg det øvre tunet i storgarden Hjelmeland, og heitte først Ófratún eller Øvretun, medan Neðratún eller Nedretun var det andre. Då Midtun kom til som ein tredjepart vart namna endra til Øvsttun og Nesttun.
Historie endre
Garden var saman med nabogarden Nesttun opphavleg ein del av storgarden Hjalmulfsland (Hjelmeland), men vart alt i mellomalderen delt i sjølveigarbruk og ein halvpart som skal ha høyrt til Nonneseter kloster. I 1519 var det registrert tre brukarar på Øvsttun.
Frå 1500-talet til 1836 var klosterparten eigd av De Søefarendes Fattighus.
På 1900-talet vart delar av garden utskilt til kyrkje, skular og andre offentlege bygg, men her er framleis gardsdrift.
Geografi endre
Området ligg mellom Nesttun og Birkelandsvatnet. Han grensar til Nesttun i nordvest, Skjold i vest, Lilletveit i sør, Ulsmåg i aust, Nordrevoll i nordaust og Midtun i nord.
På området ligg Slåtthaug ungdomsskule og Slåtthaug videregående skole, samt Slåtthaug kunstisbane og Slåtthaug idrettsanlegg. Her ligg òg Øvsttun kirkegård på vel 31 000 m²
Bruk av namn endre
Fleire stader er kalla opp etter garden:
Kjelder endre
- Gunnar Hagen Hartvedt (2003). Bergen Byleksikon (4 utg.). Oslo: Kunnskapsforlaget. ISBN 82-573-1036-0.
- Bergenskart Arkivert 2020-02-17 ved Wayback Machine.