Øya Tustna
Øya Tustna er den største og mest folkerike øya i tidlegare Tustna kommune på Nordmøre. Øya Tustna og resten av tidlegare Tustna kommune høyrer no til Aure kommune.
Tustna | |
---|---|
Tustnafjella sett frå Kvernberget i Kristiansund. Foto: Harald Oppedal | |
Geografi | |
Stad | Nordmøre |
Koordinatar | 63°11′N 08°03′E / 63.183°N 8.050°E
|
Areal | 89 km²
|
Høgaste punkt | Skarven (896 moh.)
|
Administrasjon | |
Land | Noreg |
Fylke | Møre og Romsdal
|
Om namnet endre
Uttale og bruk endre
Lokal uttale er ['thʉs:na] (N/A) med ['thʉs:n] (D). Tilstadsform blir ofte uttrykt med preposisjonen «på»+akkusativ og påstadsform ved same preposisjon + dativ:
- «E[1] ska på Tussna (A) næste vikkå.» (Eg skal [reise] til Tustna neste veke.)
- «E é på Tussn (D) mykjy tå ti’n.» (Eg er på Tustna mykje av tida.)
Opphav endre
Namnet vart oftast skrive «Tusteren» på dansk på 1800-talet. På nederlandske kart frå 1600-talet finst namnet i forma «Toester». Ein antek at namnet kjem av norrønt «Þústr» (= ‘slegel’, ‘sliul’, ‘tust’) og at dette står i samband med Stabben på naboøya Stabblandet.
Topografi endre
Fjell endre
Fjella på Tustna er frå gammalt eit landemerke for sjøfarande, og dei er framleis noko av det som lokkar folk til Tustna.
- Sinnsetten (326 moh.)
- Jørenvågssalen
- Skarven (896 moh.)
- Dyrkollgrova (469 moh.)
- Seteraksla (511 moh.)
Tettstader endre
- Gullstein - tidlegare kommunesenter. Gullstein kirke ligg plassert her. Bru over Sålåsundet til Stabblandet.
- Leira - ligg midtvegs mellom Tømmervåg og Gullstein på nordsida av Tustna. Staden har utvikla seg til å bli sentrum på Tustna med skule, to daglegvarebutikkar, bilverkstad og andre servicefunksjonar. Idrettsarenaen Høgda stadion, som høyrer til Tustna idrettslag, ligg òg her.
- Tømmervåg - sørvest på øya. Tustna ungdomsskule ligg her, i tillegg held ungdomsklubben til her med møter i lokala til Honky Tonk Cruisers, ein bilklubb for amerikanske bilar. Lokala er i ein nedlagd butikk. Frå Tømmervåg ferjekai er det ferjesamband til Seivika ferjekai i Kristiansund.
Biletgalleri endre
Fjella på Tustna endre
Utsikt frå Tustna endre
-
Utsikt frå Leirsætra.
Foto: Harald Oppedal
-
Solnedgang over Smøla.
Foto: Harald Oppedal
-
Solnedgang over Smøla, sett frå Gullsteinsdalen.
Foto: Harald Oppedal
-
Sola gått ned bak Smøla.
Foto: Harald Oppedal
Fotnotar endre
- ↑ Tradisjonell dialekt har e for ‘eg’. Merk likevel at yngre dialekt (særleg folk som er fødde etter kring 1980), som elles oftast manglar dativ, har mykje æ.