90482 Orcus
90482 Orcus (overgangsnamn 2004 DW) er eit kuiperbelte-objekt (KBO) med ein diameter på rundt 1000 km. Det blei oppdaga av Michael Brown ifrå Caltech, av Chad Trujillo ifrå Gemini Observatory og av David Rabinowitz ifrå Yale-universitet. Oppdagingsbileta av objektet blei tekne 17. februar 2004. Etter oppdaginga blei bilete tekne av objektet funne ifrå so tidleg som 8. november 1951.
 | ||
| Oppdaging A | ||
|---|---|---|
| Oppdaga av | M. Brown C. Trujillo D. Rabinowitz | |
| Oppdaga dato | 17. februar 2004 | |
| Alternative namn B | 2004 DW | |
| Kategori | Plutino | |
| BaneelementC JPL | ||
| Epoke 10. november 1951 (JD 2433960,5) | ||
| Solfjerne (aphel, Q) | 7226,801 mill. km (48,31 AE) | |
| Solnære (perihel, q) | 4567,091 mill. km (30,53 AE) | |
| Stor halvakse (a) | 5896,946 mill. km (39,419 AE) | |
| Eksentrisitet (e) | 0,22552 | |
| Omløpsperiode (P) | 90396,4 d (247,492 år) | |
| Gjennomsnittleg banefart | 4,68 km/s | |
| Gjennomsnittleg anomali (M) | 79,561° | |
| Banehelling (i) | 20,55233° | |
| Lengda til oppstigande knute (Ω) | 268,586° | |
| Perihelargument (ω) | 73,8325° | |
| Satellittar | 1 (92-432 km) | |
| Fysiske eigenskapar | ||
| Dimensjonar | 946,3+74,1-72,3 km (diameter)[1] | |
| Masse | ~7,5×1020 kg | |
| Tettleik | ~1,5 g/cm³ (anteke) | |
| Overflategravitasjon | ~0,2 m/s² | |
| Unnsleppingsfart | ~0,44 km/s | |
| Rotasjonsperiode | ? d | |
| Albedo | 19,75+3,40-2,76 | |
| Spektralklasse | B-F=0,68; F-R=0,37 [2] | |
| Tilsynelatande storleiksklasse | 19,11 | |
| Absolutt storleiksklasse: | 2,3 | |
| Overflatetemperatur: | ~45 K | |
Orcus har éin kjend måne, nemleg Vanth, som er relativt stor samanlikna med Orcus.
Banen endre
Orcus er ein typisk plutino (objekt i 2:3 baneresonans med Neptun). Orcus brukar 247 år på eitt krinsløp rundt sola og har ein bane mykje lik den til Pluto, bortsett ifrå at han er orientert forskjellig. Sjølv om Orcus på eitt punkt i banen nærmar seg banen til Neptun, syter baneresonansen mellom dei to objekta at dei alltid er stor avstand mellom dei (i tillegg kjem ein vinkelseperasjon på 60°).
Fysiske eigenskapar endre
Den absolutte storleiksklassen til Orcus er på 2,3 (til samanlikning har ein annan KBO, 50000 Quaoar, ein absolutt storleiksklasse på 2,6). I første kvartal av 2007 vart det gjort kjent at romteleskopet Spitzer hadde fått auga på Orcus i det fjerninfraraude. Observasjonane kunne avgrensa den estimerte diameter til objektet til 946,3+74,1-72,3 km. Orcus ser ut til å ha ein høg albedo på ~20%.
Farge og spekter endre
Observasjonar i det infraraude av European Southern Observatory gir resultat som stemmer med blandingar av vassis og karbonhaldige sambindingar. Vidare kan spektera tekne av Gemini-observatoriet stadfesta ein middels vassissignatur; omtrent 15-30%, men ikkje meir enn 50%, av overflata er dekt av vassis. Dette tyder at det på Orcus finst mindre is en det ein finn på plutomånen Charon, men liknandes det ein finn på neptunmånen Triton. Avgrensingar for kor mykje metanis kom ein òg fram til; mindre enn 30 % av overflata er dekt av metan i fast form.
KBOar viser eit breitt utval av fargar og spektrum; til og med blant objekt med like baneparameter. Orcus har ein nøytral farge samanlikna med andre raude objekt, som 28978 Ixion.
Satellitt endre
Oppdaginga av ein satellitt i bane rundt Orcus vart annonsert i IAUC 8812 22. februar 2007.[3] Banen til månen er enno ikkje kjend. Han vart funne 0,25 bogesekund ifrå Orcus med ein storleiksklasseforskjell på 2,5. Med ein albedo lik Orcus vil han ha ein diameter på ~220 km, noko som er stort samanlikna med Orcus.
Fotnotar endre
- ↑ John Stansberry; Will Grundy; Mike Brown; Dale Cruikshank; John Spencer; David Trilling; Jean-Luc Margot (2007). «Physical Properties of Kuiper Belt and Centaur Objects: Constraints from Spitzer Space Telescope».
- ↑ Tegler Stephen C. (26.01.2006). «Kuiper Belt Object Magnitudes and Surface Colors». Henta 05.11.2006.
- ↑ (90482) Orcus - Johnston's Archive
Kjelder endre
- Denne artikkelen bygger på «90482 Orcus» frå Wikipedia på engelsk, den 25. april 2008.