Abbeville

Abbeville (Abbegem på flamsk) er ein by nord i Frankrike i regionen Hauts-de-France. Abbeville ligg ved elva Somme, 20 km før munningen i Den engelske kanalen og 45 km nordvest for Amiens. I mellomalderen var staden det lågaste kryssingspunktet i Somme, og det var i nærleiken at Edvard III sin hær kryssa elva før slaget ved Crécy i 1346.

Abbeville
Beffroi i Abbeville Beffroi i Abbeville
Styresmakter
Land Region Departement	Frankrike Hauts-de-France Somme
Geografi
Flatevidd	26,42 km²
Flatevidd  - By	26,42 km²
Innbyggjarar  - By (1999)    - folketettleik	25 567   968/km²
Koordinatar	50°6′0″N 1°50′0″E
Høgd over havet	8 m
Tidssone	CET (UTC+1)
Diverse anna
Heimeside: www.ville-abbeville.fr

Abbeville var den største byen i den tidlegare franske provinsen Ponthieu. I dag er han ein av tre sous-préfecture i departementet Somme.

Historie

Abbeville dukkar først opp på 800-talet, og høyrte på denne tida til klosteret St. Riquier, og vart seinare styrt av grevane i Ponthieu. I lag med grevskapet kom byen inn under Alençon og andre franske familiar, og seinare under Huset Castile. Gjennom eit giftarmål i 1272 vart byen så ein eigedom av Kong Edward I av England. Franskmennene og engelskmennene erobra området fram og tilbake fram til 1435 då freden i Arras gav byen til Hertugdømet Burgund. I 1477 vart han annektert av Kong Louis XI av Frankrike og vart halde av to urettmessige greinar av dem kongelege familien på 1500- og 1600-talet, og i 1696 kom han tilbake til korna. I 1514 gifta Louis XII av Frankrike seg med Mary Tudor, dotter av Henrik VII av England.

Abbeville var ganske viktig på 1700-talet då Van Robais kongelege industri (ein av dei første store fabrikkane i Frankrike) førte med seg stor rikdom til byen. Voltaire, av fleire, skreiv om byen. Hans skreiv òg om ei stor hending om intoleranse der ein ung utarma herre, Chevalier de la Barre, vart avretta for mangel på respekt. Dette var visstnok fordi han ikkje gav honnør til eit opptog for Kristi lekamsfest, men episodar om eit skamfare kross skal visst òg ha vore inni biletet.

Bakgrunnsstoff

Wikimedia Commons har multimedia som gjeld: Abbeville