Aechmophorus
| Aechmophorus | |
 Svanedukkar, Aechmophorus occidentalis Foto: Dominic Sherony
| |
| Systematikk | |
| Underrekkje: | Virveldyr Vertebrata |
| Overklasse: | Tetrapodar Tetrapoda |
| Klasse: | Fuglar Aves |
| Underklasse: | Neognathae |
| Overorden: | Neoaves |
| Orden: | Podicipediformes |
| Familie: | Dukkarfamilien Podicipedidae |
| Slekt: | Aechmophorus Coues, 1862 |
Aechmophorus er ei biologisk slekt av vassfuglar og medlem av dukkarfamilien, Podicipedidae. Dette er to dukkarartar med leveområde i det vestlege Nord-Amerika. Dei er mykje like i utsjånad, men form og farge på nebbet, og dessutan fjørene rundt dei skarlakenfarga auga på fuglane kan brukast til å avgjere arten i feltet.
Svanedukkar har rettpeikande nebb med matt grøngul farge, i motsetnad til gulnebbdukkar, som har eit svakt oppbøygd, lyst oransjegult nebb. Hos begge artar har hannen lengre og djupare nebb enn hoa, noko som gjer det eit særtrekk for kjønnet.[1] Alle dukkarartar viser mønstret av flikete symjehud. Ei laus hudfald omgjev kvar tå separat, noko som gjev meir areal for effektiv symjing. Denne forma aukar effekten av framdrift per symjetak.[2]
Svanedukkarar har litt større gjennomsnittslengd enn gulnebbdukkarar.[3] Dei to artane skil seg òg i læte. Svanedukkarar gjev eit rop som inkluderer to ulike «kri-kri» tonar, medan gulnebbdukkarar læt ein einskild «kriit» tone, meir trekt ut.[4]
Artslista endre
Aechmophorus i rekkjefølgje etter Clementslista versjon 6.7 frå september 2012[5] med norske namn etter Norske navn på verdens fugler.[6]
- Svanedukkar, Aechmophorus occidentalis
- Gulnebbdukkar, Aechmophorus clarkii
Kjelder endre
- Denne artikkelen bygger på «Aechmophorus» frå Wikipedia på engelsk, den 8. mai 2013.
Referansar endre
- ↑ Nuechterlein, Gary L.; Buitron, Deborah P. (1989). «Diving Differences between Western and Clark's Grebes» (PDF). Auk 106 (3): 467–470.
- ↑ Johansson, L.C.; Norberg, U.M. Lindhe (2001). «Lift-Based Paddling in Diving Grebe» (PDF). Journal of Experimental Biology 204 (10): 1687–1696.
- ↑ Livezey, Bradley C.; Storer, Robert W. (1992). «Morphometric Comparison of Skeletons of the Western Grebe Complex Aechmophorus of the United States and Canada» (PDF). Condor 94 (3): 668–679. doi:10.2307/1369251.
- ↑ Nuechterlein, Gary L. (1981). «Courtship Behavior and Reproductive Isolation Between Western Grebe Color Morphs» (PDF). Auk 98 (2): 335–349.
- ↑ Clements, J.F.; T.S. Schulenberg; M.J. Iliff; B.L. Sullivan; C. L. Wood (september 2012), The Clements checklist of birds of the world: Version 6.7 (Excel spreadsheet), Cornell Lab of Ornithology, henta 1. oktober 2012
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
Bakgrunnsstoff endre
Wikimedia Commons har multimedia som gjeld: Aechmophorus