Agent 327 er ein nederlandsk humoristisk teikneserie av Martin Lodewijk.

Hovudpersonen Hendrik IJzerbroot (i norsk omsetjing Henrik Eisenbrot) er, under dekknamnet Agent 327, i tenesta til den nederlandske etterretningstenesta. Saman med sin trufaste assistent, løparguten Barend (norsk Bertram), bekjempar han skurkar som albinoen Boris Kloris, Dr Maybe, Wu Manchu og andre trugsmål mot den nederlandske staten og verdsfreden. Serien vart for første gong utgitt i 1966 i serievekebladet PEP. Lodewijk vart anbefalt for dei av serieteiknaren Jan Kruis, som òg kom på namnet IJzerbroot. Føremanet Hendrik henta Lodewijk frå politikaren Hendrik Koekoek, som skal ha vore inspirasjonskjelde for den hemmelege agenten. Serien starta som ein parodi på James Bond, noko agentnummeret 327 viser til. Handlinga skjer hovudsakleg i Rotterdam.

I 1968 kom det fyrste albumet, Dossier Stemkwadrater, (norsk sak:Stemmeknuseren) ut.

Ein gjennomgåande vits er IJzerbroot sine anstrengelsar for å koma seg inkognito til kontoret. Ein annan gjennomgåande ingrediens er namnet Habraken som dukkar opp i butikkvindu, på varebilar og elles overalt.

Albumet Dossier Minimium Bug som kom ut i 1999 er innehavar av verdsrekorden for verdas minste teikneseriealbum (2.6 x 3.7 cm).

Dei fire første albuma av Agent 327 vart gitt ut i Noreg 1985 og 1986 av Hjemmet - Serieforlaget. Deretter vart fleire album gitt ut gjennom Tegneseriebokklubben.

Liste over album endre

  • 1 Dossier Heksenkring & Dossier Onderwater (sak:Hekseringen & sak:Under vann)
  • 2 Dossier Zondagskind (sak:Søndagsbarnet)
  • 3 Dossier Zevenslaper (sak:Syvsoveren)
  • 4 Dossier Stemkwadrater (sak:Stemmeknuseren)
  • 5 Dossier Leeuwenkuil (sak:I løvens hule)
  • 6 Dossier Dozijn Min Eén (Tolv saker minus en)
  • 7 Dossier Nachtwacht (sak:Nattevakten)
  • 8 Dossier Dozijn Min Twee (Tolv saker minus to)
  • Dossier 9 De gesel van Rotterdam (sak:Gisselet fra Rotterdam)
  • Dossier 10 Drie avonturen
  • Dossier 11 De ogen van Wu Manchu (sak:Wu Manchus øyne)
  • Dossier 12 De vergeten bom
  • Dossier 13 Het pad van de schildpad
  • Dossier 14 Cacoïne en commando's
  • Dossier 15 De golem van Antwerpen
  • Dossier 16 De wet van alles
  • Dossier 17 Hotel New York
  • Dossier 18 Het oor Van Gogh
  • Dossier 19 De vlucht van vroeger