Aki Parviainen

Aki Uolevi Parviainen (fødd 26. oktober 1974 i Helsingfors i Finland) er ein tidlegare finsk friidrettsutøvar som vart verdsmeister i spydkast i Sevilla 1999.

Aki Parviainen
Statsborgarskap	Finland
Fødd	26. oktober 1974 (49 år) Helsingfors
Idrett	friidrett
Tok del i	Sommar-OL 2000

Karriere

Parviainen utmerkte seg som spydkastar allereie i junioralderen. I åra 1991 og -92 vann han fyrst bronse og deretter gull i europameisterskap for juniorar. Som senior vart han finsk meister seks år på rad, frå 1998 til 2003. I seks verdsmeisterskap på rad (1995-2005) plasserte han seg mellom dei ni beste, med gull i 1999 og sølv i 2001 som dei fremste prestasjonane. I OL 2000 kom han på femteplass, medan han i EM-samanheng oppnådde ein niandeplass i 1998 og ein åttandeplass i 2002 som best.

Hans aller lengste kast kom i 1999, då han i Kuortane slengde spydet 93,09 meter.

Medaljar og plasseringar i internasjonale meisterskap

• VM i friidrett 1995 Göteborg: 9. plass (79,58 m)
• VM i friidrett 1997 Athen: 8. plass (82,80 m)
• EM i friidrett 1998 Budapest: 9. plass (82,30 m)
• VM i friidrett 1999 Sevilla: Gullmedalje - 89,52 m
• Sommar-OL 2000 Sydney: 5. plass (86,62 m)
• VM i friidrett 2001 Edmonton: Sølvmedalje (91,31 m)
• EM i friidrett 2002 München: 8. plass (78,92 m)
• VM i friidrett 2003 Paris: 5. plass (83,05 m)
• VM i friidrett 2005 Helsingfors: 9. plass (74,86 m)

Medaljar i finske meisterskap

• Gull: 1998 (86,54), 1999 (87,55), 2000 (84,29), 2001 (83,51), 2002 (82,48), 2003 (82,91)
• Bronse: 1995 (85,60), 1997 (81,04)

Personlege rekordar og årsbeste

• 1991 79,96 Pyhäselkä 12.9.
• 1992 80,94 Jyväskylä 5.7.
• 1994 78,76 Pihtipudas 17.7.
• 1995 85,60 Lapua 23.7.
• 1996 84,96 Tavastehus 10.8.
• 1997 87,48 Soini 27.7.
• 1998 90,88 Tartu 11.6.
• 1999 93,09 Kuortane 26.6.
• 2000 90,97 Kuortane 24.6.
• 2001 92,41 Vasa 24.6.
• 2002 82,48 Joensuu 21.7.
• 2003 83,30 Joensuu 11.6.
• 2004 79,32 Bad Köstritz 5.9.
• 2005 83,79 Doha 13.5.