Alibi av America
| Alibi Studioalbum av America | ||
| Utgjeve | 15. august 1980 | |
| Innspelt | 1980 | |
| Sjanger | Poprock, softrock | |
| Lengd | 37:30 | |
| Selskap | Capitol | |
| Produsent | Matthew McCauley, Fred Mollin | |
| America-kronologi | ||
|---|---|---|
| Silent Letter (1979) |
Alibi | View from the Ground (1982)
|
Alibi er det niande studioalbumet til den amerikanske folkrockduoen America, gjeve ut av Capitol Records i 1980.
Historie endre
Før det andre albumet deira på Capitol skilde Bunnell og Beckley seg frå George Martin på venskapleg vis i eit forsøk på å prøva ei ny musikalsk retning. For det nye albumet brukte gruppa to produsentar - Matthew McCauley og Fred Mollin. Medan Silent Letter vart spelt inn av Bunnell, Beckley og bandet deira (Willie Leacox, Michael Woods, David Dickey og Jim Calire), var Alibi eit virtuelt opprop av den veksande musikkscena på vestkysten. Innspelinga inkluderte musikarar som Timothy B. Schmit, Waddy Wachtel, Mike Baird, Lee Sklar, Richard Page, Norton Buffalo og Steve Lukather.
Alibi kom ut i august 1980 og var det andre America-albumet som ikkje hadde bilete av bandmedlemmene på omslaget. (Det første var eit solnedgangsbilete frå Kauai på Harbor, der albumet vart spelt inn). I staden hadde omslaget eit bilete av eit dokkehovud i framgrunnen av eit ørkenlandskap. Dewey Bunnell sa at han valde biletet medan han såg gjennom arkiva til fotografen Henry Diltz. Albumet var òg uvanleg på den tida då vinyl dominerte ved at det ikkje hadde nummererte sider. Fordi gruppa og Capitol var usamde om kva side som skulle vera side éin, vart dei samde om eit kompromiss: sidene skulle heita «Our Side» og «Their Side».
Albumet nådde berre 142. plassen på Billboard-albumlista i USA. Den første singelen frå albumet, «You Could've Been the One», var ein kommersiell fiasko i USA, og nådde ikkje opp på Billboard og nådde berre 114. plassen på Record World si singelliste. Den andre singelen, «Hangover», nådde heller ikkje hitlistene. Etter at bandet deltok, som spesiell gjest, på Sanremo-festivalen i 1982, vart «Survival» og albumet hittar i Italia, med songen på topp 5 og albumet på andreplassen.
Sjølv om Alibi var endå ein kommersiell vonbrot for America, skulle lagnaden til bandet forbetra seg dramatisk med deira neste album, View from the Ground (1982), som inkluderte topp ti-suksessen «You Can Do Magic».
McCauley skulle seinare produsera fleire spor på America-albumet Perspective i 1984, medan Mollin kom tilbake i 2011 for å produsera coveralbumet deira, Back Pages.
Mottaking endre
| Meldingar | |
|---|---|
| Karakter | |
| Kjelde | Karakter |
| AllMusic |    [1] |
| The Rolling Stone Album Guide | [2] |
I meldinga si for Allmusic samanfatta musikkritikaren Steven Thomas Erlewine at «I hovudsak held albumet fram der Silent Letter sleppte, noko som betyr at det er eit sett med behageleg mjuk pop, men det er glattare og lettare enn føregangaren.» Han kritiserte det ujamne innhaldet på albumet og den tynne produksjon, og heldt opp etterfølgjaren, View from the Ground, som eit overlegent verk i same stil.[1]
Innhald endre
Our Side (Side ein) endre
| Nr. | Tittel | Låtskrivar(ar) | Lengd |
|---|---|---|---|
| 1. | «Survival» | Gerry Beckley | 3:16 |
| 2. | «Might Be Your Love» | Dewey Bunnell | 3:46 |
| 3. | «Catch that Train» | Beckley, Bunnell | 3:03 |
| 4. | «You Could've Been the One» | John Batdorf, Sue Sheridan | 3:08 |
| 5. | «I Don't Believe in Miracles» | Russ Ballard | 3:23 |
Their Side (Side to) endre
| Nr. | Tittel | Låtskrivar(ar) | Lengd |
|---|---|---|---|
| 1. | «I Do Believe in You» | Steve George, John Lang, Jerry Manfredi, Richard Page | 3:45 |
| 2. | «Hangover» | Bunnell | 3:41 |
| 3. | «Right Back to Me» | Beckley | 3:30 |
| 4. | «Coastline» | Beckley | 3:26 |
| 5. | «Valentine» | Bunnell | 3:35 |
| 6. | «One in a Million» | Beckley | 2:52 |
Medverkande endre
- America
- Dewey Bunnell – gitar, vokal
- Gerry Beckley – gitar, klaverinstrument, vokal
med:
- Steve Lukather – gitar
- Fred Mollin – gitar, perkusjon, korvokal
- Dean Parks – gitar
- Waddy Wachtel – gitar
- Matthew McCauley – synthesizer, korvokal
- James Newton Howard – klaverinstrument, synthesizer
- Jai Winding – klaverinstrument, synthesizer
- Norton Buffalo – munnspel
- Leland Sklar – bassgitar
- Michael Baird – trommer
- Willie Leacox – perkusjon
- J.D. Souther – korvokal
- Tom Kelly – korvokal
- Richard Page – korvokal
- Timothy B. Schmit – korvokal[3]
Kjelder endre
- Denne artikkelen bygger på «Alibi (America album)» frå Wikipedia på engelsk, den 19. april 2023.
- Wikipedia på engelsk oppgav desse kjeldene:
- ↑ 1,0 1,1 Erlewine, Stephen Thomas (2011). «Alibi - America | AllMusic». allmusic.com. Henta 19. april 2023.
- ↑ Cross, Charles R. (2004). «America». I Brackett, Nathan; Hoard, Christian. The New Rolling Stone Album Guide (4th utg.). Simon & Schuster. s. 16. ISBN 0-7432-0169-8.
- ↑ «Alibi - America | Credits | AllMusic». AllMusic. Henta 25. august 2017.