Alliansen av små øystatar

Alliansen av små øystatar (engelsk Alliance of Small Island States, forkorta AOSIS) er ei gruppering av land som omfattar små øyar og lågtliggjande kystland. Organisasjonen vart skipa i 1990. Formålet med alliansen er å konsolidere desse små øystatane og interessene til utviklingsland i kampen mot klimaendringa og den globale oppvarminga. AOSIS har 42 medlemsland og observatørar (39 medlemmar og tre med observatøtstatus) frå heile kloden. Dei representerer desse områda og regionane: Karibia, Indiahavet, Middelhavet, Stillehavet og Sørkinahavet. 37 av landa er medlemmar av Dei sameinte nasjonane (SN). Alliansen representerer 28 % av utviklingslanda, 20 % av dei totale medlemslanda til SN og 5 % av folkesetnaden i verda.