Amazonpapegøyar
| Amazonpapegøyar | |
 Skjelgranamazon, Amazona pretrei Foto: Paulo Barradas
| |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Neoaves |
| Orden: | Papegøyefuglar Psittaciformes |
| Overfamilie: | Parakittar Psittacoidea |
| Familie: | Papegøyefamilien Psittacidae |
| Underfamilie: | Arinae |
| Slekt: | Amazonpapegøyar Amazona Lesson, 1830 |
Amazonpapegøye er det vanlege namnet for ein papegøye av slekta Amazona. Dette er mellomstore papegøyar med naturleg leveområde i «den nye verda», frå Sør-Amerika til Mexico og Karibia.
Dette er ganske store, grøne papegøyar med karakteristiske fargemønster i ansiktet og vanlegvis ein farga speculum vengspegel på armsvingfjørene, hovudsakleg synlege i flukt. Mange har ein naken kvit eller lys augering og nokre få har raudt på skuldrene. Kvar art har sitt karakteristiske rop, utan lætet kan det vere vanskelege å fastsetje arten.[1]
Karakteristisk for alle i slekta er flukta som går høgt, med stive og korte vengeslag.[1] Dei flyg ofte parvis i store flokkar mellom staden for beiting og for nattkvile. Halane er noko rektangulært forma. Dei beitar oppe i trekronene[1] og lever hovudsakleg på frø, nøtter og frukt, supplert med lauvverk.
Amazonpapegøyar varierer i storleik frå ca. 25 cm til 45 cm, dei fleste er relativt store papegøyar, frå ca. 30 til 38 centimeter i lengd. Dei minste artane er kvitpanneamazon,[2] som lever i Mexico og Mellom-Amerika, og dvergamazon,[3] endemisk for Jamaica. Den største er keisaramazon, ein trua art som er endemisk for Dominica.[4]
Mange amazonpapegøyar har ei oppsiktsvekkjande evne til å etterlikne menneskeleg tale og andre lydar. Delvis på grunn av dette er dei populære som kjæledyr eller burfuglar, og ein liten industri er utvikla med avlspapegøyar i fangenskap for denne marknaden. Denne populariteten har ført til at mange papegøyar blir tatt ut frå naturen i den grad at nokre artar har vorte truga. For å verne ville populasjonar, har CITES-traktatar har gjort fangst ville papegøyar for handel ulovleg.
Artslista endre
Amazonaspapegøyar etter IOC World Bird List V13.1, 2023,[5] med norske artsnamn etter Norske navn på verdens fugler.[6] IUCN kategori er etter HBW and BirdLife Taxonomic Checklist:[7]
- Raudryggamazon, Amazona festiva, Festive Amazon, (Linnaeus, 1758), (LC)
- Vinamazon, Amazona vinacea, Vinaceous-breasted Amazon, (Kuhl, 1820), (EN)
- Oreamazon, Amazona tucumana, Tucuman Amazon, (Cabanis, 1885), (VU)
- Skjelgranamazon, Amazona pretrei, Red-spectacled Amazon, (Temminck, 1830), (VU)
- Dvergamazon, Amazona agilis, Black-billed Amazon, (Linnaeus, 1758), (EN)
- Kvitpanneamazon, Amazona albifrons, White-fronted Amazon, (Sparrman, 1788), (LC)
- Rosenstrupeamazon, Amazona collaria, Yellow-billed Amazon, (Linnaeus, 1758), (VU)
- Kubaamazon, Amazona leucocephala, Cuban Amazon, (Linnaeus, 1758), (NT)
- Hispaniolaamazon, Amazona ventralis, Hispaniolan Amazon, (Müller, PLS, 1776), (VU)
- Puertoricoamazon, Amazona vittata, Puerto Rican Amazon, (Boddaert, 1783), (CR)
- Lillakroneamazon, Amazona finschi, Lilac-crowned Amazon, (Sclater, PL, 1864), (EN)
- Gulkinnamazon, Amazona autumnalis, Red-lored Amazon, (Linnaeus, 1758), (LC)
- Manausamazon, Amazona diadema, Diademed Amazon, (Spix, 1824), (LC)
- Grønkinnamazon, Amazona viridigenalis, Red-crowned Amazon, (Cassin, 1853), (EN)
- Gultygleamazon, Amazona xantholora, Yucatan Amazon, (Gray, GR, 1859), (LC)
- Blåkinnamazon, Amazona dufresniana, Blue-cheeked Amazon, (Shaw, 1812), (NT)
- Flammemaskeamazon, Amazona rhodocorytha, Red-browed Amazon, (Salvadori, 1890), (VU)
- Dominicaamazon, Amazona arausiaca, Red-necked Amazon, (Müller, PLS, 1776), (VU)
- Saintluciaamazon (St. Luciaamazon), Amazona versicolor, St. Lucia Amazon, (Müller, PLS, 1776), (VU)
- Gulhovudamazon, Amazona oratrix, Yellow-headed Amazon, Ridgway, 1887, (EN)
- Gulnakkeamazon, Amazona auropalliata, Yellow-naped Amazon, (Lesson, RP, 1842), (CR)
- Gulkroneamazon, Amazona ochrocephala, Yellow-crowned Amazon, (Gmelin, JF, 1788), (LC)
- Gulmaskeamazon, Amazona barbadensis, Yellow-shouldered Amazon, (Gmelin, JF, 1788), (NT)
- Blåpanneamazon, Amazona aestiva, Turquoise-fronted Amazon, (Linnaeus, 1758), (NT)
- Andesamazon, Amazona mercenarius, Scaly-naped Amazon, (Tschudi, 1844), (LC)
- Rufsenakkeamazon, Amazona farinosa, Mealy Amazon, (Boddaert, 1783), (LC)
- Grimeamazon, Amazona kawalli, Kawall's Amazon, Grantsau & Camargo, 1989, (LC)
- Keisaramazon, Amazona imperialis, Imperial Amazon, Richmond, 1899, (CR)
- Eldhaleamazon, Amazona brasiliensis, Red-tailed Amazon, (Linnaeus, 1758), (NT)
- Oransjevengamazon, Amazona amazonica, Orange-winged Amazon, (Linnaeus, 1766), (LC)
- Kongeamazon, Amazona guildingii, St. Vincent Amazon, (Vigors, 1837), (VU)
Kjelder endre
- Denne artikkelen dels byggjer på «Amazon parrot» frå Wikipedia på engelsk, den 26. februar 2012
- Ridgeley, Robert S. Paul J. Greenfield, The Birds of Ecuador vol II, Christopher Helm London (2001) ISBN 0-7136-6117-8
Referansar endre
- ↑ 1,0 1,1 1,2 Ridgeley, Robert et al, side 199
- ↑ World Association of Zoos and Aquariums White-fronted amazon Arkivert 2012-01-22 ved Wayback Machine. Lese 28. februar 2012
- ↑ BirdLife Species Factsheet: Om dvergamazon Arkivert 2011-05-25 ved Wayback Machine. Lese 28. februar 2012
- ↑ BirdLife Species Factsheet: Om keisaramazon Arkivert 2016-04-11 ved Wayback Machine. Lese 28. februar 2012
- ↑ Gill, Frank; Donsker, David; Rasmussen, Pamela, red. (January 2023). «Hummingbirds». IOC World Bird List Version 13.1. International Ornithologists' Union. Henta 6. juli 2023.
- ↑ Norsk navnekomité for fugl (NNKF). «Norske navn på verdens fugler». Birdlife Norge. Henta 8. desember 2023.
- ↑ «HBW and BirdLife Taxonomic Checklist». BirdLife Data Zone (version 7 utg.). BirdLife International. Desember 2022. Henta 6. juli 2023.
