American Le Mans Series
American Le Mans Series er ein motorsportserie som går føre seg i USA og Canada. Serien nyttar dei same reglane som 24-timarsløpet i Le Mans og følgjeleg nyttar serien dei same fire bilklassane: Le Mans Prototypes 1 og 2, som er særbygde sportsvognprototypar, og 2 GT-klassar for produksjonsbaserte sportsbilar. Lengda på løpa varierer frå 2 timar til opptil 12 timar. American Le Mans Series vart skipa av den amerikanske forretningsmannen Don Panoz og var arrangert for fyrste gong i 1999.
