Anarâš-lostâ
Anarâš-lostâ, eller rettare Anarâš, er eit enaresamisk blad som vart stifta i 1988. Bladet kjem ut 4 gonger i året i Enare, og redaktør er Fabrizio Brecciaroli. Alle artiklane i bladet er på enaresamisk, og det er den viktigaste arenaen for enaresamisk skriftkultur. Fram til 2017 var redaktør og sentral skribent i bladet Ilmari Mattus, som gjorde eit viktig arbeid for enaresamisk språk.
| Anarâš-lostâ | |||
| Oppretta | 1988 | ||
|---|---|---|---|
| Språk | enaresamisk | ||
Historikk endre
Bladet blir gjeve ut av Anarâškielâ servi, det var eit av dei første tiltaka denne foreininga tok initiativ til. Oppstarten var eit resultat av det første kurset i enaresamisk, som vart halde juni 1988 med Matti Morottaja og Pekka Sammallahti som lærarar. Kurset hadde 14 deltakarar, og tekstane dei skreiv dominerte det første nummeret. Bladet kom frå starten ut 2 gonger i året, men frå 1992 kom det ut 4 gonger. Etter at det nordsamiske tidsskriftet Sápmelaš gjekk inn i 2001 er Anarâš-lostâ det einaste samiskspråklege tidsskriftet som kjem ut i Finland.
I løpet av dei 35 første åra skreiv Ilmari Mattus rundt 1/4 av dei ca. 850 artiklane i bladet.[1] Andre sentrale forfattarar (med meir enn 10 forfattarar) var Matti Morottaja, Marja-Liisa Olthuis, Petter Morottaja, Iisak Mattus, Anssi Mattus, Sáárá Seipiharju, Anne Seipiharju og Eljas Niskanen.
Redaktørar endre
- 1988–2017 – Ilmari Mattus
- 2017–2018 – Eljas Niskanen
- 2019–2020 – Petter Morottaja
- 2021– Fabrizio Brecciaroli
Kjelder endre
Denne artikkelen treng fleire referansar for verifikasjon. |