Ardennarhest
Ardennarhest eller ardennar er ein tung arbeidshestrase. Belgia og Frankrike vert rekna som heimland for ardennarhesten.
Skildring endre
Ardennarhesten er ein stor, sterk og kompakt kaldblodshest som veg mellom 500 kg og eit tonn, men oftast omkring 700 kg. Rasestandarden kan variere ein del frå land til land. Mankehøgda ligg vanlegvis mellom 155 og 162 cm.
Historie endre
Ardennarhesten har sitt opphav i Ardennene som ligg søraust i Belgia, nær grensa til Frankrike. Under Napoleonskrigane vart hesten nytta som artillerihest, og vann seg eit ry som sterk, hardfør og lettfora. Opp gjennom tidene gjekk det føre seg ein god del utavl. Mellom anna vart det kryssa inn arabarhest, engelsk fullblodshest, percheron og brabanthest.
Førekomst endre
Ardennarhesten er ein av verdas mest talrike tunge kaldblodshestar og er utbreidd over store delar av verda. Fleire land har eigne stambøker og eigen rasestandard, mellom anna Belgia, Frankrike, Luxemburg og Sverige.
Bruk endre
Ardennarhesten vert mellom anna nytta til arbeidshest i skogbruket, terapiriding og kjøtproduksjon.
Bakgrunnsstoff endre
Wikimedia Commons har multimedia som gjeld: Ardennarhest
Kjelder endre
- ardennerhest i Store Norske Leksikon
- Delar av denne artikkelen bygger på «Ardenner» frå Wikipedia på svensk, den 21. april 2012.
