Arne Bendiksen

Arne Joachim Bendiksen (fødd 19. oktober 1926 i Bergen, død 26. mars 2009) var ein norsk songar, låtskrivar og plateprodusent.

Arne Bendiksen
Fødd	19. oktober 1926
Fødestad	Bergen
Død	26. mars 2009 (82 år)
Dødsstad	Bergen
Fødenamn	Arne Joachim Bendiksen
Opphav	Noreg
Sjanger	slager
Instrument	vokal
Verka som	songar, komponist, låtskrivar, dirigent, plateartist, songtekstforfattar, platebransjeleiar
Prisar	Juryens hederspris i Spellemannprisen, Tekstforfatterfondets ærespris

Han hadde på 1950- og 1960-talet stor påverknad innan norsk populærmusikk. Først var han kjend som medlem av gruppa The Monn Keys, og seinare som solist og låtskrivar for andre artistar.

I tillegg til å skrive eigne songar, omsette Arne Bendiksen mange utanlandske slagerar til norsk. Han har og delteke i Melodi Grand Prix ei rekkje gonger, både som artist, komponist og dirigent. I Eurovision Song Contest 1964 framførte han Noreg sitt bidrag; «Spiral». Då avstemminga var over, hadde han fått seks poeng og hamna på ein åttande plass av seksten deltakarar.

I 1995 mottok han juryen sin heiderspris under Spelemannprisen og vann Gammleng-prisen i klassen veteran i 1992.

Han stod for lanseringa av kjende artistar som Wenche Myhre og Kirsti Sparboe.

I 1996 vart han tildelt Kongens fortenestmedalje i gull.

Kjende songar

For meir om dette emnet, sjå Kategori:Songar skrivne av Arne Bendiksen.

• «I dag har jeg brent mine kjærlighetsbrev»
• «Davy Crockett»
• «Intet er nytt under solen» (Åse Kleveland)
• «Jeg vil ha en blå ballong»
• «La meg være ung» (Wenche Myhre)
• «Oj, oj, oj så glad jeg skal bli» (Kirsti Sparboe)
• «Lykken er» (Hanne Krogh)

Filmografi

• 1968 Festival i Venedig (TV) Alex Bryan, Virginia sin manager
• 1964 Operasjon Sjøsprøyt Amandus, maskinmann
• 1962 Operasjon Løvsprett Kenny, umilitært individ

Bakgrunnstoff

Commons har multimedium som gjeld: Arne Bendiksen