Arnie Robinson
Clarence Earl Robinson, kjend som Arnie Robinson, (7. april 1948–1. desember 2020) var ein USA-amerikansk friidrettsutøvar frå San Diego i California som vart olympisk meister i lengdehopp i 1976, fire år etter han tok OL-bronsen i same øvinga.
| Arnie Robinson | |
|
| |
| Statsborgarskap | USA |
| Fødd | 7. april 1948 San Diego |
| Død |
1. desember 2020 (72 år) |
| Idrett | friidrett |
| Tok del i | |
Robinson sette personleg rekord i 1970-sesongen med eit hopp på 7,88 meter. Året etter forbetra han seg til 8,04 m og vann lengdetevlinga i dei panamerikanske leikane 1971 i Cali med 8,02 m som best. I OL-sesongen 1972 flytta Robinson sitt personbeste lengdehopp til 8,13 m i San Diego den 8. april og til 8,14 m den 13. mai. Under sommarleikane i München kneip han bronsemedaljen etter å ha landa på 8,03 meter, klart slått av landsmannen Randy Williams som vart olympisk meister og av vesttyske Hans Baumgartner.
Den 25. mai 1974 flytta Robinson den personlege rekorden sin til 8,30 m då han vann eit stemne i Modesto i California. I OL-finalen i lengdehopp 1976 i Montréal smelte Robinson i den fyrste omgangen til med sitt livs lengste hopp på 8,35 meter og vann ein suveren gullmedalje framom Randy Williams på sølvplassen.
Kjelder endre
- Denne artikkelen bygger på «Arnie Robinson» frå Wikipedia på engelsk, den 19. juli 2018.