Astrid Båhl
Astrid Båhl (fødd Astrid Margarete Bål, fødd 6. juni 1959) er ein norsk samisk artist. Ho er kjend for å ha skapt det samiske flagget i 1986.[1]
| Astrid Båhl | |
| Statsborgarskap | Noreg |
| Fødd | 6. juni 1959 (64 år) Karesuando |
| Yrke | kunstnar |
Biografi endre
Båhl blei fødd i Karesuando i Sverige. Som barn flytta ho til Skibotn i Storfjord kommune i Troms fylke, der ho framleis var busett i 2017.[2] Ho starta kunstnarutdanninga si allereie på Solhaugens gymnas i Narvik, og fortsette sidan på Statens håndverks- og kunstindustriskole i Oslo, der ho studerte tekstiltrykk, grafikk, grafisk design og frihandteikning. Båhl har vore representert på fleire utstillingar, mellom anna «Mijjen luunie – Kums oss», ei sørsamisk vandringsutstillning som opna den 6. februar 1994 i Elverum og dessutan «ČSV- å visualisere Sápmi» på Galleri F15 på Jeløya i 2006.[3]
I 1986 kunngjorde Nordisk sameråd ein konkurranse om å utforma eit samisk flagg, der Astrid Båhl sitt forslag gjekk av med sigeren. Flagget blei heisa for fyrste gong på konferansen i samerådet i Åre den 15. august 1986. Ifølgje Båhl symboliserer flagget at sola gir liv til jorda.[4] Som inspirasjon til flagget gjekk Båhl tilbake i gamle skrifter og bøker om det samiske formspråket, mytologi og symbol.[5]
Båhl har sjølv utforma dei norske frimerka til «Tråante 2017», ei markering av 100-årsmarkeringa av det første samiske landsmøtet i Trondheim i 1917.[6]
Kjelder endre
- ↑ «Sameflaggets mor fylte 50». NRK.
- ↑ «Astrid Bål». birthday.no.
- ↑ «Astrid Båhl». Storfjord kommune.
- ↑ «Sameflaggets mor». NRK.
- ↑ «Samisk flagg». trestammersmote.no.
- ↑ «Tråante 2017 – frimerkene». tråante2017.no.
- Denne artikkelen bygger på «Astrid Båhl» frå Wikipedia på bokmål, den 21. april 2022.