August Spies
August Vincent Theodor Spies (10. desember 1855–11. november 1887) var sjefs-redaktør og utgivar av den sosialistiske avisa Arbeiter-Zeitung og talsperson for den amerikanske arbeidarrørsla i Chicago.
| August Spies | |
 | |
| Statsborgarskap | USA |
| Fødd | 10. desember 1855 Burg Landeck |
| Død |
11. november 1887 (31 år) |
| Yrke | redaktør, journalist, skribent, fagforeiningsleiar, politikar |
| Språk | tysk |
| August Spies på Commons | |
Spies vart fødd i Landecker Amt i Hessen, men emigrerte til Chicago i 1871. Rundt 1876 byrja han å interessere seg for arbeidarrørsla, og i 1877 vart han medlem i det sosialistiske arbeidarpartiet i Nord-Amerika. I 1880 vart han så utgivar og forretningsførar for avisa Arbeiter-Zeitung på staden, og var frå 1884 til 1886 òg sjefsredaktør der. Han vart talsperson for den radikale fløya i arbeidarrørsla.
I november 1887 vart han avretta ved eit justismord etter å ha vorte dømd for eit bombeåtak mot politiet under Haymarket Riot 4. mai 1886. Dette skjedde da politiet gjekk til åtak på streikande og demonstrerande arbeidarar som slåst for 8 timarsdagen. Tre andre vart òg urettmessig hengde for dette, mens éin gjorde sjølvmord i fengselet, og atter tre vart sleppte fri i 1893, da guvernøren annullerte dommen mot dei.
Kjelder endre
Den tyskspråklege wikipediaen, art. med same namnet.
Litteratur endre
- Dyer D. Lum: August Spies, in: Twentieth Century, 3. September 1891
- Heinrich Nuhn: August Spies. Ein hessischer Sozialrevolutionär, Verlag Jenior & Pressler, Kassel 1992, ISBN 3-928172-11-5
Bakgrunnsstoff endre
- Verk av og om August Spies i katalogen til det tyske nasjonalbiblioteket
- Litteratur i online-katalogen til Staatsbibliothek zu Berlin
- Handskriven sjølvbiografi Arkivert 2016-05-18 ved Wayback Machine.
- Biografi
- Biografi og meir Arkivert 2014-02-17 ved Wayback Machine.
- Spies og Haymarket-protesten
- Chicago Arbeiter-Zeitung Arkivert 2007-09-30 ved Wayback Machine.
- Chicago Arbeiter-Zeitung (fransk)