Ausekar
Ausekar eller auskjer er ein ausereiskap for båtar. Det har tadisjonelt vore laga av tre. Eigna treslag har vore furu, gran, or eller osp. Måla på ausekaret er etter båten. Ein regel har vore at lengda på auskaret i tommar svarar til lenda på båten i alner. Breidda er gjerne 3/4 av lengda. Lenga på handtaket svarar til handbreidda.
Til store båtar har det vore brukt store ausekar for to hender, på Vestlandet kalla bordauskjer. I tillegg til handtaket er det då plassert ei stropp eller ei vidje tvers over karet. Desse kunne rome på til ei skjeppe,17,4 liter. Dei kunne brukast av to mann samtidig.[1]
I nyare tid har ausekar vorte laga av plast.
Galleri endre
-
Ausekar frå Nydamskipet -
Moderne plastausekar -
Vega kommune har eit ausekar i komunevåpenet
Kjelder endre
- Jon Bojer Godal: Tre til båtar, Landbruksforlaget, Oslo 2001. ISBN 82-529-2403-4
Fotnotar endre
- ↑ Ø. Færøyvik, Vestlandsbåtar - Frå oselvar til sunnmørsåttring, Norske båtar bind V, Grøndal & søn forlag AS, 1987.