Bernhard Folkestad

Bernhard Dorotheus Folkestad (13. juni 1879–9. mars 1933) var ein norsk kunstmålar og forfattar.

Bernhard Dorotheus Folkestad
Bernhard Folkestad i 1920. Foto: Anders Beer Wilse
Nasjonalitet	Norsk
Statsborgarskap	Noreg
Fødd	13. juni 1879 London
Død	9. mars 1933 (53 år) Oslo
Yrke	Målar og forfattar
Far	Abraham Folkestad
Ektefelle	Ingeborg Gude
Born	Mildred Mehle
Bernhard Folkestad på Commons

Liv og gjerning

Løvtrær i høstdrakt med skjærer, 1914

Bukt med robåt

Folkestad var son til emissæren Abraham Folkestad, fødd i London men voks opp på Folkestad i Fjaler. Han vart utdanna i Noreg, med korte opphald hos Laurits Tuxen og Kristian Zahrtmann i København i 1902 og 1903. Seinare var han på studieturar til Amsterdam i 1907, og Paris i 1909. Siste staden var han elev av Christian Krohg. Til å begynne med måla han store stillebensbilete av grønsaker eller levande fjørfe, og enkelte interiør. Hans mest kjente måleri frå yngre år er Mørkeloftet frå 1905.

Folkestad slo gjennom i 1914 med ein festleg frise i ein av paviljongane under jubileumsutstillinga 1914. Dei neste åra laga han mange dekorative arbeid med fargerike motiv i rikfolk sine hus. Han måla altartavla i Rjukan kyrkje i 1917 og «Drammenskomposisjonen» i Drammens handelsforening. Folkestad laga også ein del tresnitt. Arne Durban seier i Norsk Allkunnebok at Folkestad «førde ein brei og frodig pensel og var ein glad og saftig kolorist».

Folkestad skreiv ei mengd avisartiklar. Desse artiklane vart samla og trykt i bøkene Blå hjul (1923), Svingdøren (1926), Sol og morild (1929) og Gullfisken (1933).

Verk

Måleri

• Paa Mørkeloftet, 1905
• Grønsager, 1906
• Høns i høstsol, 1906
• Sommernat, 1908
• Pariserfrokost, 1909

Bøker

• 1923 – Blaa hjul og andre ting (Kristiania: Gyldendal) I fulltekst ved nb.no
• 1926 – Svingdøren (Oslo: Gyldendal) I fulltekst ved nb.no
• 1929 – Sol og morild (Oslo: Gyldendal) I fulltekst ved nb.no
• 1933 – Gullfisken (Oslo: Gyldendal) I fulltekst ved nb.no

Kjelder

• Norsk Allkunnebok IV. bandet, 1953

• Denne artikkelen bygger på «Bernhard Folkestad» frå Wikipedia på bokmål, den 1. april 2012.

Bakgrunnsstoff

• Publikasjonar av Bernhard Folkestad i BIBSYS
• Fylkesleksikon Sogn og Fjordane
• Om Bernhard Folkestad i Lokalhistoriske artiklar Sogn og Fjordane