Bjørnar

Bjørnar er eit mannsnamn av norrønt opphav, sett saman av bjørn og -ar, ei etternemning som tyder 'krigar' eller 'stridsmann'. Namnet er i slekt med namn som Bjørn og Bjarne.

Bjørnar har norsk namnedag den 8. desember. I 2008 var det litt over 4 900 nordmenn som heitte Bjørnar. Namnet har vore ein del brukt sidan 1940, med ein topp i 1981, då 0,40 % av nyfødde gutar fekk namnet Bjørnar.

Kjende namneberarar

• Bjørnar Andresen (1945-2004), norsk jazzmusikar
• Bjørnar O. Pettersen (f. 1953), ordførar i Tjeldsund
• Bjørnar Seppola (f. 1955), norsk forkjempar for kvensk kultur
• Bjørnar Valstad (f. 1967), norsk orienteringsløpar
• Bjørnar Teigen (f. 1971), norsk skodespelar
• Bjørnar Andersen (f. 1978), norsk hundekjørar
• Bjørnar Moxnes (f. 1981), norsk politikar
• Bjørnar Ustad Kristensen (f. 1982), norsk friidrettsutøvar
• Bjørnar Løberg (f. 1983), norsk programleiar
• Bjørnar Holmvik (f. 1985), norsk fotballspelar

Annan bruk

• Bjørnar IL, eit tidlegare idrettslag som no er del av allianseidrettslaget Arna-Bjørnar.

Kjelder

• «Bjørnar» i Store norske leksikon

Bakgrunnsstoff

• Søk etter norsk namnestatistikk for Bjørnar hjå Statistisk Sentralbyrå