Blackburn Rovers
Blackburn Rovers Football Club er ein engelsk fotballklubb som spelar i Football League Championship (2. nivå). Klubben vart stifta i 1875, og var ein av dei 12 klubbane som starta The Football League i 1888. «Rovers», som er kallenamnet til Blackburn, spelar heimekampane sine på Ewood Park i Blackburn. Byen Blackburn ligg i den engelske regionen Nordvest-England, omtrent fire mil nord for Manchester.
| Fullt namn | Blackburn Rovers Football Club | ||
|---|---|---|---|
| Kallenamn | Rovers | ||
| Heimebane | Ewood Park (kapasitet: 31 367) | ||
| Styreleiar | Robert Coar | ||
| Hovudtrenar | Sam Allardyce | ||
| Liga | Football League Championship | ||
| 2018/19 | 15. plass | ||
| Nettstad | Heimeside | ||
| |||
 Noverande sesong | |||
Historie endre
Rundt hundreårsskiftet var Blackburn blant dei største i England.
Etter 1930 gjekk det lenger tid mellom dei store triumfane, heilt til pengesterke Jack Walker dukka opp på byrjinga av 1990-talet. Han hadde opparbeidd seg ei formue i stålindustrien, og brukte på sine eldre dagar denne til å støtte klubben han elska. Dette gjorde at Blackburn i 1992 rykte opp i øvste divisjon, etter at Liverpool-legenda Kenny Dalglish hadde overteke manageransvaret, og med hjelp av ein målfarleg Alan Shearer vann klubben sitt tredje ligagull i 1995.
Men berre fire år seinare rykte dei ned, etter mange feilslåtte spelarkjøp. To sesongar vart spelte i fyrste divisjon, før klubben i 2001 rykte opp att, denne gongen med Graeme Souness ved roret. Året etter vann klubben ligacupen, etter å ha slege Tottenham 2-1 i finalen på Millennium Stadium i Cardiff.
Den beste sesongen til klubben etter opprykket har førebels vore 2002/2003-sesongen, då det vart 6. plass og kvalifikasjon til UEFA-cupen.
I dag er det den tidlegare Manchester United-helten Mark Hughes som er manager i Blackburn. Han trekte seg som landslagssjef for Wales for å kunne ta jobben. Hughes spela i klubben frå 2000 til 2002, og fekk med seg opprykk og ligacupsiger.
Meritt endre
| TROFE | ANTAL | ÅR |
|---|---|---|
| Ligameister | 2 | 1911/12, 1913/14 |
| Premier League | 1 | 1994/95 |
| FA-cupen | 6 | 1884, 1885, 1886, 1890, 1891, 1928 |
| Ligacupen | 1 | 2002 |
| FA Charity Shield | 1 | 1912 |
| Full Members Cup | 1 | 1987 |
| FA Youth-cup | 1 | 1959 |
- Vinnar av 2. divisjon: 1938/39.
- Vinnar av 3. divisjon: 1974/75.
- Finalist i FA-cupen: 1882 og 1960.
Nordmenn i Blackburn Rovers endre
Blackburn har hatt fleire kjende nordmenn i stallen. I tillegg til Henning Berg og Morten Gamst Pedersen, har Lars Bohinen, Tore Pedersen, Egil Østenstad, Stig Inge Bjørnebye, Martin Andresen og Joshua King alle spela for Blackburn.
Blackburns-managerar endre
|
|
|
|