Bologna-prosessen
Bologna-prosessen er namnet på eit samarbeid mellom europeiske utdanningsministrar frå 45 land. Prosessen søker å skape større mobilitet for studentar og lærarar mellom dei ulike landa sine universitet og høgskular. Målet er å skape eitt felles europeisk område for høgare utdanning (EHEA) innan 2010. Prosessen byggjer på friviljug deltaking frå landa, og har til no vore prega av stor dynamikk.
Fleire viktige møte har blitt gjennomført: Bologna i 1999, Praha i 2001, Berlin i 2003, Bergen i 2005 og London i 2007.
Ein av dei aller viktigaste delane av Bologna-prosessen er semja om å dele opp høgare utdanning i tre såkalla syklusar.[1] Syklusane blir gjerne kalla bachelorgrad, mastergrad og doktorgrad.
Ministerane har også bl.a. blitt einige om å bruke studiepoengsystemet ECTS som ein del av Bologna-prosessen.
Fotnotar endre
- ↑ Bologna Working Group on Qualifications Frameworks (18. februar 2005). «A Framework for Qualifications of the European Higher Education Area» (PDF). Henta 11. september 2008.