Bukbøy er ein av dei mest vanlege treningsmetodane for magemusklane, primært rectus abdominis. Denne er rekna som eit tryggare alternativ til magebøying.

Startposisjonen er å liggje på ryggen med knea bøygde. Rørsla byrjar med å bøye akslene opp og fram mot bekkenet, med hendene bak nakken, eller krossa over brystet, men utan å lyfte nedre del av ryggen frå underlaget. Å nytte hendene til å skyve på nakken kan føre til skade, men ein kan godt nytte dei til å halde hovudet slik at nakkemusklane kan slappe av. Så lenge ein held nakken utstrekt, slepp ein skadar.

Bukbøy-trening kan utførast på ball. Vekter kan nyttast, vanlegvis haldne under haka, for å auke motstanden. Om olbogen er utstrekt slik at underarmen ikkje lenger er loddrett, vil triceps verke som støttemusklar. Lengre avstand vil òg auke lasta på underlivsmusklane.

Skilnaden frå magebøying er at nedre del av ryggen ikkje vert lyft opp frå golvet når ein gjer bukbøy. Det seiest at dette eliminerer hoftemuskel-rørsler og gjer bukbøy til ein effektiv magemuskel-treningsform. For å gjere bukbøy tyngre, kan ein liggje på ein skråbenk og/eller halde ei vekt på brystet eller bak hovudet.

Spire Denne idrettsartikkelen er ei spire. Du kan hjelpe Nynorsk Wikipedia gjennom å utvide han.