Byen Djibouti
Djibouti (utt. dʒibˈu:ti) er hovudstaden og den største byen i republikken Djibouti i Aust-Afrika. Han ligg på ei halvøy mellom Tadjourabukta og Adenbukta nær innlaupet til Raudehavet. Folketalet i byen er usikkert, men under folketeljinga i 2009 vart det målt til 475 322 innbyggjarar.
Djibouti | |||
by | |||
Land | Djibouti | ||
---|---|---|---|
Høgd | 0 m | ||
Type | Hovudstad | ||
Folketal | 475 322 (2009) | ||
Grunnlagd | 1888 | ||
Tidssone | UTC +3 | ||
Byen Djibouti 11°35′42″N 43°08′53″E / 11.595°N 43.148055555556°E | |||
| |||
Wikimedia Commons: Djibouti (city) | |||
Historie endre
Byen Djibouti vart grunnlagd i 1888, og vart i 1892 gjort til hovudstad i Fransk Somaliland i staden for Tadjoura. Mellom 1967 og 1977 var byen hovudstad i det franske Afar- og Issar-området før han vart hovudstad i republikken Djibouti i 1977.
Transport endre
Djibouti er ein viktig handelsby, og hamna har store anlegg for forsyningar og bunkring. Hamna vert også brukt til fiske og ferjeruter herifrå til Tadjoura og Obock. Det går også jarnbane frå byen til Addis Abeba i Etiopia, noko som er svært viktig for økonomien til byen. Den internasjonale lufthamna Ambouli ligg også i byen.
Anna endre
I Djibouti finst også eit akvarium, ein stor marknadsplass, nasjonalstadionet Stade du Ville, presidentpalasset i landet og Hamoudi-moskéen.
Galleri endre
-
The People's Palace i Djibouti
-
Rue de Marseille i Djibouti
-
Djibouti hamn
-
Place Rimbaud
-
Minaret i Djibouti
Kjelder endre
- Denne artikkelen bygger på «Djibouti (city)» frå Wikipedia på engelsk, den 4. januar 2011.
«Djibouti – hovedstad» i Store norske leksikon, snl.no.