Cape Kidnappers
Cape Kidnappers eller på maori Te Matua-a-Maui ('fiskekroken til Maui') er eit nes heilt søraust i Hawke Bay på austkysten av Nordøya på New Zealand. Det ligg 20 km søraust for byen Napier.
Neset ligg heilt i enden av ei åtte km lang halvøy som stikk ut i Stillehavet. Det fekk namn etter ei hending der lokale maoriar freista å bortføra ein av mannskapet - ein tolk frå Tahiti som dei meinte vart halden der mot sin vilje - på skipet til kaptein James Cook, «Endeavour» i 1769.[1] Maorinamnet kjem frå legenda om Nordøya som vart fiska opp or havet av halvguden Maui.[1]
Neset er tilhaldsstad for ein stor koloni australsuler. Her ligg òg ein verdskjend golfbane.
Kjelder endre
- ↑ 1,0 1,1 L. Harper; T. Mudd; P. Whitfield; D. Hall (2006). The Rough Guide to New Zealand (5 utg.). New York - London - Delhi: Roughguides. s. 487. ISBN 1-84353-679-X.
- Delar av denne artikkelen bygger på «Cape Kidnappers» frå Wikipedia på engelsk, den 27. mai 2009.
39°38′40.89427″S 177°05′35.72845″E / 39.6446928528°S 177.0932579028°E