Carl Stoltenberg
Carl Peter Stoltenberg (28. januar 1770–13. november 1830) var ein norsk kjøpmann og eidsvollsmann.
| Carl Stoltenberg | |||
 | |||
| Fødd | 28. januar 1770 Re kommune | ||
|---|---|---|---|
| Død | 13. november 1830 (60 år) | ||
| Statsborgar av | Noreg | ||
| Parti | sjølvstendepartiet | ||
| Yrke | politikar, forretningsdrivande | ||
| Barn | Matthias Stoltenberg | ||
| Alle verv |
| ||
Stoltenberg var fødd i Undrumsdal i Våle i Vestfold, far hans var prest. Sjølv slo han seg ned i Tønsberg som kjøpmann. I mange år sat han i forlikskommisjonen i byen.
I 1814 var Stoltenberg utsending frå Tønsberg til riksforsamlinga på Eidsvoll. Der høyrde han til sjølvstendepartiet. Han var elles med i finanskomiteen. Også på det overordentlege storting 1814 var han representert. 10. oktober 1814 var han medlem av deputasjonen som møtte Kristian Fredrik. Stortingsrepresentant for Tønsberg også i 1815-16, medlem av ti komitear. Mellom dei var komiteen om finans-, skatte-, bank- og pengevesen og komiteen om bergverkslova og Kongsberg Sølvverk. I 1824 representerte han Tønsberg og Holmestrand på Stortinget. Han var då medlem av tollkomiteen, protokollkomiteen og komiteen om kjøpstadskatten.
Stoltenberg døydde i Tønsberg i 1830. Han var far til Matthias Stoltenberg.
Kjelder endre
- Tallak Lindstøl: Stortinget og Statsraadet 1814-1914. Kristiania, 1914
- Biografisk informasjon om Carl Stoltenberg NSD Norsk senter for forskningsdatas politikararkiv
