Cecilia av Sverige
Cecilia av Sverige (fødd 22. juni 1807 på Stockholms slott, daud 27. januar 1844 i Oldenburg) var ei svensk prinsesse og komponist. Ho var den yngste dottera til kong Gustav IV Adolf og dronning Fredrika.
| Cecilia av Sverige | |||
 Storhertuginne Cecilia av Oldenburg, fødd prinsessa av Sverige. Måleri av Theodor Hamacher. | |||
| Fødd | 22. juni 1807 Stockholm, Hovförsamlingen | ||
|---|---|---|---|
| Død | 27. januar 1844 Byen Oldenburg | ||
| Alle titlar | hertuginne, prinsesse | ||
| Hus eller slekt | Holstein-Gottorp | ||
| Gravstad | Byen Oldenburg | ||
| Land | Sverige | ||
| Mor | Frederike av Baden | ||
| Far | Gustav IV Adolf av Sverige | ||
| Ektefelle | August I. | ||
| Barn | Nikolaus Friedrich August von Holstein-Gottorp, Herzog von Oldenburg, Alexander Friedrich Gustav von Holstein-Gottorp, Herzog von Oldenburg, Elimar, hertug av Oldenborg | ||
Liv endre
Cecilia blei nøydd til å forlata Sverige saman med familien etter at faren blei avsett 13. mars 1809. Ho var med mora og søskena sine på Haga til dei fekk vera med faren på Gripsholm i juni. Foreldra og bror hennar drog til Karlskrona den 6. desember, og Cecilia og systera følgde etter den 11. 24. desember forlét heile familien Sverige.
Cecilia voks opp hjå familien til mora i Bruchsal i Baden. Etter at mora døydde i 1826 busette ho seg med broren og systera Amalia i Wien. Ho gifta seg 5. mai 1831 i Wien med storhertug August av Oldenburg. Ho hadde møtt August 1830, og dei var blitt einige om å gifta seg i løpet av ein time. Cecilia blir skildra som roleg, verdig og vemodig, og interessert i vitskap og kunst. Ho var òg musikalsk og komponerte eigne verk, mellom anna komposisjon, hymnen Heil dir, o Oldenburg!. Ho finansierte det første teateret i byen Oldenburg i 1833.
Ekteskapet hennar blei omtalt som lykkeleg, men ho skal aldri ha lukkast i å gjera seg populær blant allmugen. Cecilia døydde nokre dagar etter at ho fødde sonen Elimar, og blei gravlagd i gravkoret til storhertugfamilien i Eutin i Oldenburg. Leivningane hennar blei flytte til det storhertuglige mausoleet på Sankt Gertruds kyrkjegard i Oldenburg sidan det blei ferdigstilt i 1899.
Ein skule, Ceciliaskolan (gunnlagd i 1867), ein plass, ei bru og ei gate er oppkalla etter ho.
Barn endre
- Alexander Friedrich Gustav (16. juni 1834–6. juni 1835)
- Nikolaus Friedrich August (15. februar 1836–30. april 1837)
- Elimar av Oldenburg (23. januar 1844–17. oktober 1895)
Kjelder endre
- Denne artikkelen bygger på «Cecilia av Sverige» frå Wikipedia på svensk, den 6. desember 2019.
- B. Linden: Cecilia i Svenskt biografiskt lexikon (1927)