Daniel Fichelscher

Daniel Fichelscher
	Daniel Fichelscher
Fødd	7. mars 1953
Fødestad	Berlin i Tyskland
Fødenamn	Daniel Secundus Fichelscher
Opphav	Tyskland
Instrument	Gitarar, trommer, perkusjon
Tilknytte artistar	Popol Vuh, Amon Düül II, Gila
Plateselskap	Liberty, Pilz, Kosmische Musik, UA, PDU, Milan, Spalax, OHR, Brain Records
Verka som	trommeslagar

Daniel «Danny» Secundus Fichelscher (fødd 7. mars 1953) er ein tysk multi-instrumentalist som spelte ei viktig rolle i krautrockbandet Popol Vuh, som medlem av den tyske gruppa Gila og som trommeslagar i Amon Düül II. Fichelscher er son av jazzpianisten og songaren Toby Fichelscher.^[1]

Karriere endre

Daniel Fichelscher var gjennom det meste av historia deira, den faste partnaren til Florian Fricke i Popol Vuh. Han var ikkje med frå starten av og kom inn i gruppa først i 1973 (tre år etter gruppa vart danna) for innspelinga av Seligpreisung og han erstatta då gitaristen Conrad «Conny» Veit året etter i 1974. Medan han var i Popol Vuh, spelte han òg stundom trommer og congatrommer med krautrockbandet Amon Düül II, som på albuma Carnival in Babylon (1972), Wolf City (1972; der han òg syng og spelar gitar) og Vortex (1981).^[1] I lag med Fricke spelte han i Conny Veit si gruppe (Gila) på det andre albumet Bury My Heart in Wounded Knee.^[1]

Fichelscher si rolle i Popol Vuh vart mindre viktig kring 1991 då Guido Hieronymus, òg vart henta inn til å spele gitar og som fekk stor innverknad på musikken til gruppa. Fichelscher vart likevel verande i gruppa fram til ho vart oppløyst då Fricke døydde i 2001. Sidan 2006 har Fichelscher igjen spelt trommer med Amon Düül II, og erstatta den opphavlege trommeslagaren deira, Peter Leopold.^[2]