Davik kyrkje
Davik kyrkje står i bygda Davik i Bremanger kommune i Vestland, og er ei langkyrkje bygd i tre i 1886.[1]
| Davik kyrkje | |||
| kyrkje | |||
 | |||
| Land |  Noreg
| ||
|---|---|---|---|
| Fylke | Vestland | ||
| Kommune | Bremanger | ||
| Kyrkjesamfunn | Den norske kyrkja | ||
| Bispedøme | Bjørgvin | ||
| Prosti | Nordfjord | ||
| Sokn | Davik | ||
| Fellesråd | Bremanger | ||
| Type | Langkyrkje | ||
| Arkitekt | Georg Andreas Bull[1] | ||
| Material | Tre | ||
| Innvigd | 6. juli 1886[1] | ||
| Sitjeplassar | 500[1] | ||
 Davik kyrkje 61°53′32″N 5°31′56″E / 61.8921°N 5.5323°E | |||
| Wikimedia Commons: Davik kirke | |||
Kyrkja vart sett opp etter teikningar laga av arkitekt Georg Andreas Bull og har sitjeplassar til 500 personar. Før det vart sett inn orgel på galleriet i 1933 var det plass til kring 700 personar i kyrkja, og ho er ei av dei største i fylket.[1]
Altartavla er frå 1885 og viser nattverden. Ho er laga av Anders Ohrem og Ole Marius Holmøe. Preikestolen er rikt utskoren og er frå 1600-talet.[1]
Davik kyrkje er soknekyrkje for Davik sokn i Nordfjord prosti. Området høyrde fram til 1740 til Eid prestegjeld. Då vart sokna Davik, Rugsund og Ålfoten skilde ut som eit eige prestegjeld som fekk namnet Davik.[2]
Det har vore kyrkje på Davik sidan mellomalderen. Ein finn Davik-kyrkja nemnd fyrste gongen i kjeldene i 1306. Kyrkja som då stod var truleg ei stavkyrkje frå 1200-talet. Det neste kyrkjebygget vart reist i 1655 og var ei tømra langkyrkje. Denne vart i sin tur erstatta av ei krosskyrkje i 1750 [2] Krosskyrkja stod til etter at den noverande kyrkja stod ferdig i 1886, då vart ho riven. Grunnen til at kyrkja frå 1750 vart erstatta var at ho var vorten for lita.[1]
Sjå òg endre
Kjelder endre
- Aaraas, Margrethe Henden; Vengen, Sigurd; Gjerde, Anders. «Davik kyrkje». Kulturhistorisk leksikon. Fylkesarkivet i Vestland. Henta 6. mars 2021.
- «Davik-kyrkja låg lenge under Eid» i NRK Sogn og Fjordane Fylkesleksikon
Fotnotar endre
Bakgrunnsstoff endre
- Om Davik sokn på nettstaden til Den norske kyrkja
- Kart frå 1979 som viser soknegrenser og kyrkjestader, på nettstaden til Universitetet i Bergen
- «Kirkebøker, Sogn og Fjordane» på nettstaden til Arkivverket
- Skanna kyrkjebøker frå Sogn og Fjordane på nettstaden til Arkivverket
- Oversyn over gravminne i Bremanger kommune på nettstaden disnorge.no
- Davik kyrkje i kulturminnesok.no, nettstaden til Riksantikvaren
- «Davik kyrkje». Kirkesøk. Den norske kyrkja.