Dei vesle Karpatane

Dei vesle Karpatane (slovakisk Malé Karpaty, tysk Kleinen Karpaten, ungarsk Kis Kárpátok) er ei låg, om lag 100 km lang, fjellkjede i Karpatane. Fjellkjeda ligg vest i Slovakia, og dekkjer eit område frå Bratislava til Nové Mesto nad Váhom og ein liten del kalla Hundsheimer Berge nordaust i Austerrike. Dei grensar til Záhorie i vest og Det donauske låglandet i aust.

Dei vesle Karpatane
fjellkjede
Land	Slovakia
Del av	Vest-Karpatane
Dei vesle Karpatane 48.52361111°N 17.3925°E / 48.52361111; 17.3925
Wikimedia Commons: Little Carpathians

Dei vesle Karpatane i Slovakia

Dei vesle Karpatane rundt Červený Kameň-borga

I 1976 vart Dei vesle Karpatane verna som ein del av Vesle Karpatane landskapsvernområde, som dekkjer 646,1 km². Dei tre høgaste fjella er Záruby på 768 moh., Vysoká på 754 moh. og Vápenná på 752 moh.

Dei vesle Karpatane er vidare delt inn i (frå sør til nord):

• Devín-Karpatane (i Bratislava)
• Pezinok-Karpatane (frå Bratislava til Buková)
• Brezová-Karpatane (frå Buková til Prašník)
• Čachtice-Karpatane (frå Prašník til Nové Mesto nad Váhom)

Dei vesle Karpatane er eit populært område for turgåing, sykling, skigåing og andre vinteridrettar.

I den søraustlege delen av området ligg det mange vingardar (t.d. Bratislava, Rača, Pezinok, Modra). Fleire borger eller ruinar av dei ligg i Dei vesle Karpatane som t.d. Devínborga, Čachticeborga, Červený Kameň-borga og Smoleniceborga. Driny, ei kalksteinsgrotte, er den einaste grotta som er open for ålmenta.

Bilete

• 
  Det høgaste fjellet - Záruby
• 
  Sett frå sør
• 
  Sett frå sør
• 
  Utsyn over Borlåglandet frå Dei vesle Karpatane

Kjelder

• Denne artikkelen bygger på «Little Carpathians» frå Wikipedia på engelsk, den 3. juli 2008.

Bakgrunnsstoff

Commons har multimedium som gjeld: Dei vesle Karpatane

• Dei vesle Karpatane på Spectacular Slovakia
• Vinvegen i Dei vesle Karpatane Arkivert 2007-07-08 ved Wayback Machine.