Dimasj Qudajbergen
Dinmukhammed Qanatuly Qudajbergen (fødd 24. mai 1994 i Aktobe i Kasakhstan), kjend under artistnamnet Dimasj Qudajbergen (kasakhisk kyrillisk: Димаш Құдайберген), er ein kasakhstansk songar, som blei kjend etter at han vann Slavianski bazaar i Vitsiebsk i 2015. I 2017 kom Qudajbergen på andreplass i Hunan TV sin fyrste sesong av songtevlinga Singer. Same år blei han tildelt prisen «beste internasjonale artist» under Top Chinese Music Awards.
| Dimasj Qudajbergen | |||
 | |||
| Fødd | 24. mai 1994 (29 år) | ||
|---|---|---|---|
| Fødestad | Aktobe | ||
| Fødenamn | Дінмұхаммед Қанатұлы Құдайберген | ||
| Opphav | Kasakhstan | ||
| Aktiv | 2010– | ||
| Sjanger | folkemusikk, operapop | ||
| Instrument | dambura, vokal, trommesett, piano | ||
| Stemmetype | kontratenor, tenor, sopran | ||
| Verka som | låtskrivar, multiinstrumentalist, komponist, musikkprodusent, operasongar | ||
| Prisar | hedret artist i Kasakhstan | ||
Biografi endre
Foreldra til Qudajbergen, Qanat Ajtbajev og Svetlana Ajtbajeva, er båe utnemnde til æra artistar i Kasakhstan. Qudajbergen byrja å syngje i femårsalderen. I 2010 vann han fyrstepremien i den internasjonale festivalen Zvonkie golosa Bajkonura og i 2012 vann han Grand Prix i Zjas qanat, i tillegg til ein pris i Oriental bazar.[1] I 2013 vann han Making Asia, ein internasjonal festival for unge utøvarar.[1]
Etter framføringane av dei to melodiane «Opjat metel» og «SOS d'un terrien en détresse» på Slavianski bazaar i 2015 vann Qudajbergen Grand Prix med ein samla poengsum på 175 av 180 moglege.[1][2] Seinare same år blei han den første kasakhstanske representanten i ABU TV Song Festival, der han framførte songen «Daididau».[3]
Singer på Hunan TV endre
Frå 21. januar til 15. april 2017 deltok Qudajbergen i Singer (tidlegare I am Singer), ei kinesisk tevling for profesjonelle songarar.[4] Fyrste tevlingsdag song han «SOS d'un terrien en détresse» og blei umiddelbart omtalt som ein verdssensasjon på grunn av sin stemme og falsett.[5][6][7] «SOS d'un terrien en détresse» blir rekna som ein av dei fem mest krevende franske songane i verda.[5] Seinare i tevlinga gjorde han det som blei omtalt som ei eksepsjonell framføring av Vitas sin song «Opera №2».[8] Singer blei avslutta med ein finale 15. april der Qudajbergen kom på andreplass.[9][10]
Som følgje av sine framføringar i Singer vann Qudajbergen prisen «beste internasjonale artist» i Top Chinese Music Awards, som er den viktigste musikkprisutdelinga i Kina, i mars 2017.[11]
Prisar endre
| År | Pris | Kategori |
|---|---|---|
| 2017 | Top Chinese Music Awards | Beste internasjonale artist |
| 2017 | Chinese Top Ten Music Awards | Mest populære asiatiske songar |
| 2015 | Slavianski bazaar i Vitsiebsk | Grand Prix-vinnar |
Kjelder endre
- ↑ 1,0 1,1 1,2 Caravan.kz 1. februar 2017. Жизнь самого популярного казахстанского певца Димаша Кудайбергенова на фото и видео. Besøkt 15. februar 2017. (ru)
- ↑ Slavianski Bazaar. History 2015 Arkivert 2. januar 2018 på Wayback Machine.. Besøkt 15. februar 2017. (en)
- ↑ Asia-Pacific Broadcasting Union. ABU TV Song Festival 2015 Arkivert 16. mars 2015 på Wayback Machine.. Besøkt 15. februar 2017. (en)
- ↑ kazinform 9. januar 2017. Kazakh crooner to join China's I Am a Singer reality show. Besøkt 15. februar 2017. (en)
- ↑ 5,0 5,1 Shenzhen Daily 25. januar 2017. Overnight sensation: Dimash Kudaibergen Arkivert 16. februar 2017 på Wayback Machine.. Besøkt 15. februar 2017. (en)
- ↑ gratenews 22. januar 2017. Singer 2017 – Episode 1: Kazakhstan’s Dimash gives jaw-dropping performance. Besøkt 15. februar 2017. (en)
- ↑ P4 31. januar 2017. Hør den utrolige stemmen. Besøkt 19. februar 2017.
- ↑ KazWorld.info 2. februar 2017. How Kazakh Singer Dimash Kudaibergenov Conquers The World. Besøkt 18. april 2017. (en)
- ↑ KazWorld.info 16. april 2017. Dimash Kudaibergenov: I Am Already A Winner. Besøkt 18. april 2017. (en)
- ↑ KazWorld.info 16. april 2017. Dimash Kudaibergen Took Second Place At The Singer-2017 In China. Besøkt 18. april 2017. (en)
- ↑ The Astana Times 30. mars 2017. Dimash Kudaibergen wins Best Asian Singer in China’s Top Music Awards. Besøkt 18. april 2017.
- Denne artikkelen bygger på «Dimaş Qūdaibergen» frå Wikipedia på bokmål, den 15. februar 2024.