Divisormaurvarslar

art av sporvefuglar
Divisormaurvarslar
Divisormaurvarslar
Divisormaurvarslar
Utbreiing og status
Status i verda: LC LivskraftigUtbreiinga av Divisormaurvarslar
Utbreiinga av Divisormaurvarslar
Systematikk
Underrekkje: Virveldyr Vertebrata
Klasse: Fuglar Aves
Underklasse: Neognathae
Overorden: Neoaves
Orden: Sporvefuglar Passeriformes
Familie: Maurfuglar Thamnophilidae
Slekt: Thamnophilus
Art: Divisormaurvarslar T. divisorius
Vitskapleg namn
Thamnophilus divisorius

Divisormaurvarslar, Thamnophilus divisorius, er ein fugl i maurfuglfamilien. Dei næraste slektningane er tepuimaurvarslar og amazonmaurvarsler (Whitney et al. 2004).

Divisormaurvarslar er 16 cm lang, hannen er nær einsfarga blågrå, men hovudet er noko mørkare, slik at det gjer inntrykk av å ha hette. Hoa er karakteristisk i to farger: blågrå overside og raudbrun underside, halen er gråblå òg på undersida. Han har ein song som er eit akselererande kuk-kuk-kuk-kuk-ku-ku-ku-ku wah, med avtakande styrke, ropa er aw, aww og kyuk.[1]

Han finst i lågtveksande skog. Det kjende utbreiingsområdet ligg innanfor Parque Nacional da Serra do Divisor i Brasil og i den tilstøytande Parque Nacional de la Sierra del Divisor i Peru, under 500 moh., ein trur han er vanleg der.

Divisormaurvarslar vart oppdaga i 1996 i Acre Arch høglandet i delstaten Acre i Brasil, og blei skildra som ei art ny for vitskapen i 2004. BirdLife International har gjeve han status 'livskraftig' (LC) på global raudliste, 2009.

Kjelder endre

  • Whitney, Bret M.; Oren, David C. & Brumfield, Robb T. (2004): A new species of Thamnophilus Antshrike (Aves: Thamnophilidae) from the Serra do Divisor, Acre, Brazil. Auk 121(4): 1031-1039. DOI:10.1642/0004-8038(2004)121[1031:ANSOTA]2.0.CO;2 HTML fulltext without images
  • Schulenberg, T., Stotz, D. Lane, D., O'Neill, J, & Parker, T. Birds of Peru. Christopher Helm, London. (2007) ISBN 978-0-7136-8673-9

Referansar endre

  1. Schulenberg, et al (2007)

Bakgrunnsstoff endre