EasyGo
EasyGo er eit fellesføretak (joint venture) mellom Noreg, Sverige, Danmark og Austerrike som gjer det mogeleg å bruke ei og same elektroniske bombrikke i alle land når ein passerer i bompengeanlegg, på ferjer og bruer.[1] Føremålet med EasyGo er at same bombrikke skal kunna nyttast til betaling ved køyring gjennom kva som helst betalingsanlegg gjennom Nord-Europa og Austerrike.[2]
EasyGo er basert på DSRC 5,8 GHz mikrobølgeteknikk og det er store skilnader på operatørane. Anlegga har ulik utforming og det finst inga felles EasyGo-skilting, men det finst enkelte fellestrekk.[3]
.jpg)
.jpg)
Historie endre
EasyGo var den første kommersielle grenseoverskridande innkrevjingstenesta av bompengar i Europa. Innleiande diskusjonar byrja i 2004, då Svinesundsbrua mellom Noreg og Sverige var ved å byggjast. Transportstyresmaktene i Noreg og Sverige, norske Statens vegvesen og svenske Transportstyrelsen, gjekk saman med Sund & Bælt (operatør av Storebæltbrua) og Øresundsbro Konsortiet (dansk/svensk joint venture, operatør av Øresundbrua) og oppretta EasyGo i 2007.
Austerrikske ASFINAG slutta seg til partnarskapet i 2009.[4]
Alle eksisterande nordiske system tekne i bruk før 2007 (AutoPASS og BroBizz) inngår, og ein treng ikkje endra lovgjevinga i landa. EasyGo landa har fire forskjellige valutaer og variable momsnivå.
Frå 1. januar 2021 er det eit krav på Storebæltbrua at brikkeutferdaren skal vere EETS-godkjent,[5] noko som i realiteten gjer at dei fleste AutoPASS-brikker ikkje lenger kan nyttast, fordi berre SkyttelPASS har EETS-godkjenning.[6][7] Fremtind Service har og søkt om godkjenning.[8]
EasyGo Basic endre
EasyGo Basic er for køyretøy som berre ferdast innanfor Skandinavia og har ei maksimalt tillaten totalvekt på 3,5 tonn.[9]
EasyGo+ endre
EasyGo+ er ein internasjonal bompengeavtale som lèt førarar av køyretøy over 3,5 tonn betala veiavgift i Austerrike, Danmark, Sverige og Noreg ved hjelp av ei og same bombrikke i alle dei fire landa.[10]
Utferderar endre
EasyGo leverast frå fleire utferderar. Somme utferderar tilbyr imidlertid bombrikker for berre ei av tenestene. For at ei brikke frå ein utferdar skal vera gyldig i eit bestemt bompengeområde føreset det at utferdaren har ei avtale med bompengeselskapet i området.[11]
| Utferdar | Land | Gyldig i |
|---|---|---|
| AS24 |  Frankrike
|
 Austerrike Danmark Sverige
|
| Axxès | Frankrike
|
Austerrike Danmark Sverige
|
| BroBizz A/S | Danmark
|
Austerrike Danmark Sverige
|
| DKV Euro Service GmbH & Co KG |  Tyskland
|
Austerrike Danmark Sverige
|
| Eurotoll SAS | Frankrike
|
Austerrike Danmark Sverige
|
| Fremtind Service AS |  Noreg
|
Danmark Sverige
|
| Toll4Europe GmbH | Tyskland
|
Austerrike
|
| ØresundPay | Sverige
|
Danmark Sverige
|
| SkyttelPASS AS | Noreg
|
Danmark Sverige
|
| TELEPASS SPA |  Italia
|
Danmark Sverige
|
| Tolltickets GmbH | Tyskland
|
Austerrike Danmark Sverige
|
| W.A.G payment solutions, a.s. |  Sveits
|
Austerrike
|
| Fyt AS | Noreg
|
Danmark Sverige
|
Sjå òg endre
Kjelder endre
- ↑ Enonic. «EasyGo - AutoPASS». www.autopass.no (på norsk). Arkivert frå originalen 13. februar 2018. Henta 28. januar 2018.
- ↑ «Om EasyGo | EasyGo». easygo.com (på norsk bokmål). Henta 28. januar 2018.
- ↑ arkivkopi, arkivert frå originalen 29. januar 2018, henta 28. januar 2018
- ↑ Thomsen, Lene Gebauer (1. mars 2017). «EasyGo: 10 år med grænseoverskridende betalingsløsninger». BroBizz® (på dansk). Arkivert frå originalen 29. januar 2018. Henta 28. januar 2018.
- ↑ «Privat», DA (på dansk), henta 20. februar 2021
- ↑ «Om utstedervirksomheten - AutoPASS», www.autopass.no, arkivert frå originalen 20. januar 2021, henta 30. mars 2021
- ↑ «Om oss», www.skyttelpass.no, henta 30. mars 2021
- ↑ «EETS-direktivet», Regjeringen.no (på norsk), 23. februar 2021, henta 30. mars 2021
- ↑ «EasyGo Basic | EasyGo». easygo.com (på norsk bokmål). Henta 28. januar 2018.
- ↑ «EasyGo+ | EasyGo». easygo.com (på norsk bokmål). Henta 28. januar 2018.
- ↑ «Utstedere | EasyGo». easygo.com. Henta 12. mai 2022.
- Denne artikkelen bygger på «EasyGo» frå Wikipedia på bokmål, den 28. januar 2018.