Eilif Peterssen

Hjalmar Eilif Emmanuel Peterssen (4. september 1852–29. desember 1928), kjend som Eilif Peterssen, var ein norsk kunstmålar. Han laga fleire historiske, religiøse og mytologiske måleri, men måla òg landskap og personar.

Eilif Peterssen
Statsborgarskap	Noreg
Fødd	4. september 1852 Christiania
Død	29. desember 1928 (76 år) Lysaker
Yrke	kunstmålar
Sjanger	portrett, historiemåleri
Medlem av	Skagensmålarane
Ektefelle	Nicoline Peterssen
Eilif Peterssen på Commons

Utdanning

Laksefiskeren (1889)

Fra Sevilosen ved Savalen (1907).

Edvard Grieg (1891)

Som ung dreiv Peterssen med avteikning av segl. Folk som Hans Gude og Peter Christen Asbjørnsen oppfordra han til å studera. Han var elev ved Statens håndverks- og kunstindustriskole (1866-1870), og hadde òg korte opphald ved målarskulane til Johan Fredrik Eckersberg, Knut Bergslien og Morten Müllers malerskole.

I 1871 drog han utanlands for å studera. Det blei opphald ved kunstskulen i København, i Karlsruhe (1871–73) der han både lærte av Hans Gude og ved kunstskulane i Karlsruhe og München (1873–75), der han var elev av Wilhelm von Diez, og Roma (1879). Seinare vitja Peterssen både Paris, London og fleire italienske byar, slik at han fekk ein større inspirasjonsbreidde enn mange samtidige norske kunstnarar.

Kunstnar

Peterssen debuterte på Haustutstillinga i 1882, og hadde si første separatutstilling hjå Blomqvist i 1902.

Etter at kunstnaren vende tilbake til Noreg, busette han seg i Bærum og blei medlem av Fleskummålarane (1886). Seinare var han med i den såkalla Lysakerkretsen, og bygde hus i same området, Villa Pjåka, på Lagåsen (1897). Han var òg oppfatta som ein av Skagensmålarane.

Kunstverk

Historiske måleri av Eilif Peterssen er mellom anna Corfitz Ulfeldts død (1874) og Christian den 2. undertegner dødsdommen over Torben Oxe (1874-76), som begge heng i Nasjonalgalleriet.

Her finn ein òg Sommernatt (1886) og Nocturne (1887) med motiv frå Dælivannet i Bærum.

Kjelder

• The Grove Dictionary of Art
• Bokmålswikipedia

Bakgrunnsstoff

• Kunstnere i Akershus på krus.com

Wikimedia Commons har multimedia som gjeld: Eilif Peterssen