Einar Førde

norsk journalist og politikar

Einar Førde (20. januar 194326. september 2004) var ein norsk journalist og politikar for Arbeidarpartiet. Førde var som politikar ein viktig ideolog og strateg. Han var òg kringkastingssjef for NRK.

Einar Førde

Fødd20. januar 1943
Høyanger kommune
Død26. september 2004 (61 år)
Statsborgar avNoreg
PartiArbeidarpartiet
Yrkejournalist, politikar, friidrettsutøvar
Utdanna vedUniversitetet i Oslo
EktefelleBrit Fougner
Alle verv

Liv og virke endre

Einar Førde var fødd i Høyanger som son av Gudleik Førde og Dagny Hagen. Han tok artium ved Eidsvoll landsgymnas, og studerte statsvitskap, historie og samfunnsøkonomi ved Universitetet i Oslo. Han gjennomførte også Forsvarets russiskkurs. Han var ein lovande idrettsmann, og vann 1500 meter under Nordisk juniormeisterskap i 1963.

Som politikar var han stortingsrepresentant frå 1969 til 1989, parlamentarisk leiar og nestleiar i Arbeidarpartiet, og statsråd i Kyrkje- og undervisingsdepartementet i Odvar Nordli si regjering frå 8. oktober 1979 til 4. februar 1981 og deretter i Gro Harlem Brundtland si første regjering til 14. oktober 1981.

Etter at han slutta på Stortinget var han kringkastingssjef i NRK frå 1989 til 2001. Siste åra skreiv han artiklar kvar veke i Bergens Tidende, og desse er samla i dei to siste bøkene frå hans hand.

Einar Førde døydde 61 år gamal av kreft etter ei tids sjukdom. Han etterlét seg kona Synnøve Nymo og tre born frå dette ekteskapet, og to frå tidlegare ekteskap.

Verv endre

Bibliografi endre

Bøker endre

I bøker - eit utval endre

I tidsskrift - eit utval endre

Bakgrunnsstoff endre

Tekstar om Einar Førde