Eisenach

Eisenach
Eisenach rundt 1900. Eisenach rundt 1900.
Byvåpenet til Eisenach
Styresmakter
Delstat	Thüringen
Oberbürgermeister	Katja Wolf (Die Linke)
Geografi
Flatevidd	103,84 km²
Innbyggjarar	43 626
Innbyggjarar  - By (31. desember 2022)	42 408
Høgd over havet	215 m
Tidssone - Ved sommartid	UTC+01:00, UTC+2 (UTC) UTC+2 (UTC)
Diverse anna
Heimeside: https://www.eisenach.de/
Nettstad: www.eisenach.de

Eisenach er ein tysk by i Thüringen med rundt 43 600 innbyggjarar (2007). Han ligg 215 moh. på den nordvestlege skråninga av Thüringer Wald.

Soge

Eisenach blei grunnlagt på 1100-talet og fekk byrettar i 1283. Martin Luther omsette Det nye testamentet til tysk her under eksil på borga Wartburg. I 1685 blei Johann Sebastian Bach fødd i Eisenach. Slektningen hans Johann Christoph Bach og to andre store barokkomponistar, Johann Pachelbel og Georg Philipp Telemann, verka her.

Fleire møte av tyding i tysk historie har vore haldne i eller ved Eisenach, mellom anna blei det tyske sosial-demokratiske partiet (SPD) stifta her i 1869.

Skildring

I sentrum av byen ligg Marktplatz, med fleire bindingsverkhus, apotek, det gamle rådhuset frå 1638 og slottet frå 1742–45 der ein finn Thüringer Museum. Borga Wartburg ligg på ei høgd 400 meter over byen. I 1999 blei borga sett opp på UNESCO si verdsarvliste. I byen finst også eit Lutherhaus til minne om Martin Luther og eit Bachhaus til minne om Bach.

Økonomi

Historisk har Eisenach hatt stor tyding for tysk bilproduksjon. Ein framstilte EMW og Wartburg i det tidlegare Aust-Tyskland, og etter gjenforeininga BMW og Opel. Industrien i byen omfattar i tillegg produksjon maskinar, kjemikaliar og elektrotekniske artiklar. Turisme er også viktig.

Kjelder

«Eisenach» i Store norske leksikon, snl.no.

---

• Denne artikkelen bygger på «Eisenach» frå Wikipedia på dansk, og «Eisenach» frå Wikipedia på bokmål den 24. januar 2011.
• Denne artikkelen bygger på «Eisenach» frå Wikipedia på engelsk, og «Eisenach» frå Wikipedia på svensk den 24. januar 2011.