Faisalabad

Faisalabad (tidl. Lyallpur) er den tredje største byen i Pakistan, etter Karachi og Lahore. Byen ligg i provinsen Panjab, 110 km vest for Lahore. Han er eit knutepunkt for handel og samferdsel i eit stort jordbruksdistrikt, har eit landbruksuniversitet og fleire høgskular. Byen hadde 1 977 000 innbyggjarar i 1998.

فیصل آباد
Det britiskbygde klokketårnet i Faisalabad Det britiskbygde klokketårnet i Faisalabad
Styresmakter
Land	Pakistan
Grunnlagd	1890
Geografi
Flatevidd	1 269,094174 km²
Innbyggjarar  - By (1998)	2,0 mill.
Koordinatar	31°21′52″N 72°59′40″E
Høgd over havet	184 m
Tidssone	UTC+05:00 (UTC)
Diverse anna
Telefon-retningsnummer	041
Heimeside: http://www.faisalabad.gov.pk/

Næringsliv og kommunikasjon

Faisalabad har ein allsidig industri med produksjon av mellom anna tekstilar, kunstfiber, kunstgjødsel, legemiddel, hermetikk, såpe og næringsmiddel som ghi (klarna smør). I landbruksområda rundt dyrkar ein bomull, kveite, frukt og grønsaker.

Faisalabad er eit knutepunkt for vegar og jernbane. Faisalabad internasjonale lufthamn ligg ei mil utanfor sentrum.

Soge

Byen blei grunnlagd av britane i 1890, med namnet Lyallpur etter Sir Charles James Lyall. I 1979 endra han namn til Faisalabad, etter kong Faisal av Saudi-Arabia.

Kjelder

• «Faisalabad» i Store norske leksikon, snl.no.
• Denne artikkelen bygger på «Faisalabad» frå Wikipedia på engelsk, den 19. mars 2010.

Bakgrunnsstoff

Commons har multimedium som gjeld: Faisalabad

Denne geografiartikkelen som har med Pakistan å gjere, er ei spire. Du kan hjelpe Nynorsk Wikipedia gjennom å utvide han.