Feillære

Feillære eller feilteori er i statistikk læra om korleis feil og uvisse i variablar og funksjonar utartar seg. Når variablane er resultat av målte verdiar har dei uvisse knytt til målingane (til dømes kor nøyaktig instrumentet er) som kan forplante seg i kombinasjon med variablar i funksjonen.

Uvissa er vanlegvis definert av den absolutte feilen. Uvisser kan òg definerast av den relative feilen (Δx)/x, som vanlegvis vert skriven som ein prosent.

Vanlegvis vert feilen til ein storleik, Δx, gjeven som eit standardavvik, σ. Standardavviket er den positive kvadratrota av variansen, σ². Verdien av ein storleik og feilen vert ofte uttrykt som x ± Δx. Om den statistiske sannsynsfordelinga til ein variabel er kjend eller gått ut frå, er det mogeleg å få fram konfidensgrenser for å skildre området som ein trur den sanne verdien til variabelen ligg innanfor. Til dømes om konfidensgrensa er 68 % for ein variabel med ei normalfordeling ± eitt standardavvik frå verdien, så er det 68 % sannsyn for at den sanne verdien ligg i området x ± σ.

Om variablane er korrelerte, så må ein ta omsyn til kovarians.

Kjelder

• Denne artikkelen bygger på «Propagation of uncertainty» frå Wikipedia på engelsk, den 19. september 2011.