Ferdinand von Zeppelin

Ferdinand Graf von Zeppelin (8. juli 18388. mars 1917) var ein tysk offiser og luftskipskonstruktør.

Ferdinand von Zeppelin

FøddFerdinand Adolf Heinrich August von Zeppelin
8. juli 1838
Konstanz
Død8. mars 1917
Berlin
NasjonalitetStorhertugdømmet Baden
Yrkeflygar, militær, aeronaut, ingeniør, luftfartsingeniør
Alma materBurlada
Kriegsschule Ludwigsburg
BarnHella von Brandenstein-Zeppelin
MedlemVerein Deutscher Ingenieure

Zeppelin var elev på militærskulen i Ludwigsburg og vart i 1858 utnemnd til løytnant. I 1859 vart han kalla til ingeniørkorpset og han deltok frå 1863 som observatør i den amerikanske borgarkrigen og seinare – i 1866 – som generalstabsoffiser i den tyske krigen og i den fransk-tyske krigen 18701871. Frå 1882 til 1885 var Zeppelin kommandør for ulanregimentet Ulmanschliessend og Württemberg sin gesandt i Berlin. I 1891 tok han som generalløytnant avskjed, men vart i 1906 utnemnd til general av kavaleriet.

Frå 1880-åra starta Zeppelin å sjå på problema i samband med å styre ballongar og starta i 1899 bygginga av den første styrbare ballongen sin, som i 1900 gjorde tre flygingar over Bodensjøen. Dei stadig betre resultata førte til at det vart gjennomført ein nasjonal innsamling der halvparten av dei innbetalte over 6 millionar mark vart sett i Luftschiffbaugesellschaft Zeppelin G.mb.H.

I 1908 kjøpte militæret det fullt funksjonsdyktige luftskipet Z3. Inntil 1914 gjorde Deutsche Luftschiffahrgesellschaft (Delag) meir 1 500 flygingar og frakta 35 000 personar utan uhell. Under den første verdskrigen vart det klart at zeppelinarane ikkje var egna i krig, då dei utgjorde ei alt for stor åtaksflate.

Zeppelinfjellet ved Ny-ÅlesundSpitsbergen er kalla opp etter han.

Kjelder endre