Frednesbrua
59°08′05″N 009°37′46″E / 59.13472°N 9.62944°E
Frednesbrua er ei klaffebru av betong på Fv354 i Porsgrunn kommune i Telemark. Brua kryssar Porsgrunnselva der Skiensvassdraget munnar ut i Frierfjorden. Brua er 461 meter lang med eit hovudspenn på 60 meter. Fri seglingshøgd ved normal vasstand er 13 meter.
Brua hadde kosta 102 millionar da ho stod ferdig i 1995. Ho har eit hydraulisk lyftesystem, som ein hadde lite erfaring med i Noreg. Problem med dette, i tillegg til direkte feilkonstruksjonar, gjorde at ein fram til 2000 brukte ca. 4 mill. kroner ekstra på å halde brua i gang, i tillegg til normale driftskostnader. I 2001 blei brua bygd om for 33 millionar, og ho har etter det fungert utan større problem.
Brua blei opphavleg kalla Kulltangen bru, men blei omdøypt til Frednesbrua.