Fredrik Haugen
Fredrik Haugen (fødd 13. juni 1992) er ein norsk fotballspelar som spelar for Brann i Eliteserien (2020).
 | |||
| Personleg informasjon | |||
|---|---|---|---|
| Fødd | 13. juni 1992 (31 år) | ||
| Fødestad | Bergen | ||
| Posisjon | Midtbanespelar | ||
| Klubbinformasjon | |||
Noverande lag | Brann | ||
| Nummer | 8 | ||
| Ungdomsklubbar | |||
| -2008 |
 Løv-Ham | ||
| Seniorkarriere* | |||
| År | Lag | Kampar (Mål) | |
| 2009-2010 2011- |
Løv-Ham Brann |
43 (11) 25 (2) [1] | |
| * Seniorklubbkampar og mål berre telt for nasjonal liga og oppdatert 10. februar 2012 | |||
Frå 2011 spelte han for Brann. Han har hatt fleire landskampar for Noreg på aldersbestemte landslag. Før han gjekk til Brann, hadde han spelt heile karrieren i Løv-Ham.
Haugen blei henta opp i A-lagsstallen til Løv-Ham før 2009-sesongen, saman med Kevin Dure. Han debuterte som innbytar mot Sogndal 26. april og skåra det første målet sitt i 16. mai-kampen mot Sarpsborg 08, som Løv-Ham vann 4–1. I løpet av sesongen fekk han ei rekke kampar for klubben, særleg fordi Erlend Storesund var ute med skade. Mot slutten av sesongen blei Haugen tildelt Kniksen-stipendet på kroner 10 000. Stipendet er oppkalla etter Roald «Kniksen» Jensen og blir delt ut kvart år til eit lokalt talent.[2]
Då Løv-Ham slo Start 14–13 på straffer på bortebane i tredje runde av cupen, var det Haugen som skåra på den siste og avgjerande straffa for Løv-Ham.[3] Han spelte også delar av kampen med armbrot.[4]
I løpet av 2009-sesongen trente Haugen også med Brann som ein del av samarbeidet mellom Løv-Ham og Brann.[5] Vinteren 2010 var han med på Brann sin treningsleir på La Manga og spelte der fleire treningskampar for klubben.[6]
I august 2010 signerte han ein kontrakt med Brann som går ut 2013-sesongen, men han fullførte sesongen i Løv-Ham.[7] Han debuterte i Tippeligaen for Brann som innbytar i opningskampen i 2011-sesongen, heime mot Rosenborg 20. mars 2011. Han spelte frå start første gong 10. juni 2011, heime mot Sogndal og skåra det første tippeligamålet sitt i ein bortekamp mot Odd Grenland 31. juli same året.
Kjelder endre
- ↑ Norsk og internasjonal fotballstatistikk
- ↑ Hermod Hove (18. oktober 2009). «Haugen fikk Kniksen-stipend». ba.no. Henta 20. oktober 2009.
- ↑ Pål Wollebæk Jørgensen (18. juni 2009). «17-åring ble cuphelt». Arkivert frå originalen 21. juni 2009. Henta 8. juli 2009.
- ↑ Ove Jacobsen; Silje Dyregrov (19. juni 2009). «Spilte med armbrudd». bt.no. Henta 8. juli 2009.
- ↑ Roar Lyngøy (17. september 2009). «U-landslagsspiller trener med Brann». bt.no. Arkivert frå originalen 22. september 2009. Henta 2. oktober 2009.
- ↑ Roar Lyngøy (19. februar 2010). «Brann avsluttet med sju lokale». bt.no. Henta 23. februar 2010.
- ↑ brann.no Haugen blir Brann-spiller, arkivert frå originalen 7. september 2010, henta 19. mars 2011
- Denne artikkelen bygger på «Fredrik Haugen» frå Wikipedia på bokmål, den 19. mars 2011.