Gertrude Ederle
Gertrude Caroline Ederle (23. oktober 1905–30. november 2003) var ein amerikansk symjar. I 1926 vart ho den første kvinna som sumde over Den engelske kanalen.
| Gertrude Ederle | |
 | |
| Statsborgarskap | USA |
| Fødd | 23. oktober 1905 New York by |
| Død |
30. november 2003 (98 år) |
| Yrke | symjar, open water swimmer |
| Språk | engelsk |
| Høgd | 1,53 meter |
| Gertrude Ederle på Commons | |
Under OL 1924 i Paris var Ederle med på å vinne gull på 4 x 100 m frisymjing. I tillegg vann ho to individuelle bronsemedaljar på 100 meter og 400 meter fri.
Då Ederle som første kvinna sumde over Den engelske kanalen, starta ho frå Cap Gris-Nez i Frankrike kl. 07.05 om morgonen den 6. august 1926. Fjorten timar og 30 minuttar seinare kom ho i land ved Kingsdown i England. Rekorden vart ståande heilt til 1950, då Florence Chadwick sumde over kanalen på 13 timar og 20 minuttar.
Berre fem menn hadde greidd å symje over kanalen før Gertrude Ederle. Den beste tida var på 16 timar og 33 minuttar