Gunnar Sønstevold
Gunnar Sønstevold (26. november 1912–18. oktober 1991) var ein norsk komponist frå Elverum og var òg ein kjend jazzpianist i trettiåra. Han var uvanleg mangslungen i uttrykksform og i siste perioden var musikken hans prega av tolvtoneteknikk.
| Gunnar Sønstevold | |||
 | |||
| Fødd | 26. november 1912 | ||
|---|---|---|---|
| Fødestad | Elverum | ||
| Død | 18. oktober 1991 (78 år) | ||
| Opphav | Noreg | ||
| Instrument | piano | ||
| Verka som | komponist, filmmusikkomponist, jazzmusikar | ||
| Gift med | Maj Sønstevold | ||
| Prisar | Filmkritikerprisen | ||
Biografi endre
Sønstevold studerte piano med Nils Larsen og Erling Westher. I 1930-åra utmerka han seg som jazzpianist i gruppa Funny Boys. Under den tyske okkupasjonen var han flykting i Sverige der han kom i kontakt med det som skulle bli den namnkjende måndagsgruppa. Leiar i gruppa var komponisten Hilding Rosenberg som òg vart Sønstevold sin lærar i komposisjon. Etter krigen kom han tilbake til Noreg og arbeidde med film- og teatermusikk. I 1955 vann han Filmkritikerprisen for filmmusikken til Det brenner i natt. I perioden 1960–1967 studerte han komposisjon ved Hochschule für Musik und Darstellende Kunst i Wien. I 1967 vart han tilsett som musikalsk leiar i NRK. Han har undervist ved Institutt for musikkvitskap ved Universitetet i Oslo. Han vann Lindemanprisen i 1985.
Gunnar Sønstevold var gift med den svenske komponisten Maj Sønstevold.
Verk (utval) endre
- 1964 – The Dorian Cage
- 1971 – Litany i Atlanta til minne for Louis Armstrong
Filmmusikk (utval) endre
- 1944 – Lev farlig
- 1946 – Englandsfarere
- 1949 – Vi flyger på Rio
- 1952 – Nødlanding
- 1950 – Musikk på loftet
- 1952 – Veslefrikk med fela
- 1954 – Roald Amundsen
- 1955 – Det brenner i natt
- 1957 – Ni liv
- 1957 – Fjols til fjells
- 1961 – Bussen
- 1963 – Om Tilla
- 1968 – Bare et liv - historia om Fridtjof Nansen
- 1969 – Huset på grensen
- 1969 – An-Magritt
- 1970 – Antigone
