Harvest Records
Harvest Records var eit tidlegare britisk plateselskap som låg under paraplyen til EMI og som fungerte som platemerke for band og artistar innanfor sjangeren progressiv rock. Selskapet vart stifta i 1969 under leiing av Malcolm Jones og Norman Smith, og var ein direkte konkurrent mot Vertigo Records frå Phillips og Deram Records frå Decca. Harvest vart distribuert i USA av det amerikanske dotterselskapet til EMI, Capitol Records.
| Harvest Records | |||
| Morselskap | Universal Music Group | ||
|---|---|---|---|
| Grunnlagd | 1969 | ||
| Grunnleggar | Norman Smith | ||
| Status | Aktiv | ||
| Distributør(ar) | Capitol Music Group | ||
| Sjanger | progressiv rock, eksperimentell hiphop | ||
| Land | Storbritannia | ||
| Stad | Hollywood | ||
| Offisiell nettside | http://www.harvestrecords.com/ | ||
Med utgjevingslanseringa av Edgar Broughton Band vart selskapet brukt av kjende band og artistar som Deep Purple, Pink Floyd, The Move, Electric Light Orchestra, Barclay James Harvest, Climax Blues Band, Kevin Ayers og Little River Band. Harvest promoterte òg andre alternative musikksjangrar i byrjinga. I tillegg hadde Harvest den europeiske lisensen for utgjevingar frå det amerikanske selskapet Blue Thumb Records mellom 1969 til 1971.
Hovudfokuset til Harvest Records skifta noko på slutten av 1970-talet, der selskapet byrja å signere ei rekkje band under post-punk som Wire, The Saints og The Banned. New Wave–artistar som Thomas Dolby og Duran Duran gav ut deira debutalbuma sine under selskapet i Nord-Amerika. Dei tre første albuma til Iron Maiden vart òg gjeve ut i USA av Harvest Records. Pink Floyd skifta til EMI etter utgjevinga av The Final Cut i 1983.
I 1977 byrja Harvest å gje ut att utgjevingar på eit platemerke kalla Harvest Heritage. Dette nye merket samla stort sett saman material som tidlegare hadde vorte utgjeve på Harvest frå 1969 og utover som samlealbum. Harvest Heritage gav likevel òg ut musikk frå slutten av 1960-talet av EMI–band som ikkje hadde spelt inn for Harvest, som til dømes The Gods, Love Sculpture og Tomorrow.
Harvest Records opererer ikkje lenger som eit eige platemerke, men det blir reaktivert i visse tilfelle viss ein artist eller eit band passar inn under kulturen til platemerket. Sidan 1984 har Harvest sjeldan vorte brukt for nye utgjevingar.
Artistar på Harvest Records endre
Kjelder endre
- Denne artikkelen bygger på «Harvest Records» frå Wikipedia på bokmål, den 15. februar 2011.
Litteratur endre
- Southall, Brian: The A-Z of record Labels. Sanctuary Publishing, London 2000. ISBN 1-86074-281-5.