Haugianerne
Haugianerne er eit måleri av Adolph Tidemand som framstiller ei gruppe haugianarar som lytter til ein lekpredikant i ei stove.
.jpg) | |||
| Kunstnar | Adolph Tidemand | ||
|---|---|---|---|
| År | 1848 | ||
| Teknikk | Oljemåleri | ||
| Dimensjonar | Høgd 147 | ||
| Plassering | Nasjonalgalleriet | ||
Tidemand arbeidde med motivet frå 1845 til 1852, og det finst fleire versjoner av bildet. Ein teikning er datert 1845,[1] og måleriet er kjent i versjonar datert 1848, 1852 og 1865.[2] Nasjonalgalleriet eig eit av dei, Mandal museum, har stilt ut bildet frå 1865, medan Düsseldorfs kunstmuseum museum Kunst Palast har eit anna som dei fekk tak i som del av sin kontakt med elevane ved Kunstakademie Düsseldorf. Tidemand var elev ved akademiet då han måla bildet.
Bildet framstiller ei gruppe folk, til dels i norske folkedraktar, som er samla inne i ei årestove eller røykomnstove. Dei er opplyste av lys frå ein ljore. Ut frå tittelen forstår ein at den ståande mannen midt i bildet er ein lekpredikant knytt til haugianarrørsla, som var ei norsk kristen vekkingsrørsle tidleg på 1800-talet. I bildet vidareførar Tidemand ein sjanger som nyttar den strenge bildebygginga ein finn i tradisjonelt historiemåleri, på motiv henta frå folkelivet.[3]
Ein rekner med at mange av personane er måla etter tyske modellar; ein målarkollega frå Düsseldorf stod modell for predikanten.[3] Mannen i kubbestolen er Baard Olavson Mo frå Kvam i Hardanger som var ven av Tidemand og ein truande Haugianer. Tidemand måla også eit separat bilde av han, Sittende bonde.[4]
Galleri endre
-
Versjon datert 1848 (122,5 x 98,5 cm) -
Versjon datert 1852 (183 x 147 cm)
Kjelder endre
- ↑ «Haugianerne». digitaltmuseum.no.
- ↑ Marit Lande. PÅ Adolph Tidemands tid. Ursus forlag, 2004. ISBN 82-996758-1-2
- ↑ 3,0 3,1 Haugianerne hos cappelendamm.no
- ↑ «Sittende bonde». digitaltmuseum.no.
- Denne artikkelen bygger på «Haugianerne» frå Wikipedia på bokmål, den 25. august 2018.
Bakgrunnsstoff endre
- Haugianerne i gigapixeloppløsning fra Google Art Project