Helin
Helin er ein innsjø som ligg i kommunane Vestre Slidre og Vang i Innlandet. Innsjøen vart regulert i samband med utbygginga av Åbjøra kraftverk, og vasspegelen kan regulerast med opptil 2 meter. Helin er ein vindeksponert klarvassjø med ein nokså rik botnvegetasjon, mellom anna kransalgar heilt ned til 15 meters djup. Denne vegetasjonen gjev ein høg produksjon av botndyr.
| Helin | |||
| innsjø | |||
 Helin fotografert frå nord
| |||
| Land |  Noreg
| ||
|---|---|---|---|
| Fylke | Innlandet | ||
| Kommunar | Vang, Vestre Slidre | ||
| Høgd over havet | 870 moh. | ||
| Areal | 9,47 km² | ||
| Volum | 18,6 millionar km³ | ||
| Kystlengd1 | 27,17 km | ||
| Koordinatar | 61°02′46″N 08°37′57″E / 61.04611°N 8.63250°E | ||
 Helin 61°02′23″N 8°39′07″E / 61.039683°N 8.651977°E | |||
| Wikimedia Commons: Helin | |||
| 1 Kystlengd er eit unøyaktig mål som kanskje ikkje er standardisert for denne artikkelen. | |||
I 1930 vart eit 35 km² stort område mellom Helin og Syndinvatna i aust freda som botanisk plantenasjonalpark. I skiferura under fjellet Gila og langs Helin veks fleire sjeldne planter, mellom anna urvalmue (Papaver relictum). Elles er Helin er omgjeve av bjørkeskog.
Helin er verna i samsvar med Verneplan I for vassdrag.
Denne geografiartikkelen som har med Innlandet å gjere, er ei spire. Du kan hjelpe Nynorsk Wikipedia gjennom å utvide han.