Ingvild Lothe
Ingvild Lothe (fødd i 1990) er ein norsk forfattar. I 2016 bokdebuterte Lothe med diktsamlinga Hvorfor er jeg så trist når jeg er så søt. Boka var ein suksess med eit femte opplag planlagd i 2019, noko som er uvanleg for diktsamlingar i Noreg.[1] I 2019 kom hennar første roman, Havfruehjerte, ut.[1]
Ingvild Lothe | |
Statsborgarskap | Noreg |
Fødd | 1990 (34 år) |
Yrke | skribent, lyrikar |
Bakgrunn endre
Ingvild Lothe kjem frå Stord og er utdanna ved forfattarstudiet i Bø og masterprogrammet i Litterär Gestaltning ved universitetet i Gøteborg.[2] Ho har også skrive kritikk for Natt & Dag.[3]
Resepsjon endre
Lothe har fått merksemd for sitt forfattarskap utanfor Norge. I Danmark har ho blitt samanlikna med danske poetar som Caspar Eric, Sofie Diemer og Maja Mittag, som er kjent for å knytte det kjenslemessige og kroppslege til det sosiale. Hvorfor er jeg så trist når jeg er så søt hausta god omtale i den danske avisa Information – sjølv om boka ikkje var omsett til dansk.[4] I 2018 blei bokdebuten omsett til tysk og svensk.[5]
Då Hvorfor er jeg så trist når jeg er så søt kom ut i 2016, meinte Morgenbladet at Lothe utleverar si eiga samtid meir enn ho utleverar seg sjølv, noko mange forfattarar i hennar generasjon (mellom anna Kenneth Moe og Linnéa Myhre) gjerne blir skulda for å gjere.[6]
Bergens Tidende gav Hvorfor er jeg så trist når jeg er så søt fire av seks hjarte, og anbefalte boka for «den blyge lærer som trenger et alibi i seksualundervisningen».[7]
Dikta til Lothe har blitt hyppig delt av sine lesarar i sosiale medium som Instagram.[treng kjelde]
Bibliografi endre
Priser endre
- 2017: Gode Føremåls-prisen
Kjelder endre
- ↑ 1,0 1,1 Olaf Haagensen (28. juni 2019), «Havfruedrømmer», morgenbladet.no (på norsk bokmål), henta 28. juli 2019
- ↑ «Ingvild Lothe», Kolon, henta 28. juli 2019
- ↑ 3,0 3,1 «NÅR JEG BLIR STOR VIL JEG BLI ÅTTE ÅR – INGVILD LOTHE», Ett av sveriges största förlag (på svensk), 4. mars 2014, henta 28. juli 2019
- ↑ Bastkjær, Martin (9. desember 2016), «Så sød, så trist», Information (på dansk), henta 28. juli 2019
- ↑ «Ingvild Lothe solgt til Tyskland og Sverige», Kolon, henta 28. juli 2019
- ↑ Beddari, Carina Elisabeth (4. november 2016), «Ingenting fancy», morgenbladet.no (på norsk bokmål), henta 28. juli 2019
- ↑ «Dikt for den blyge lærer som trenger et alibi i seksualundervisningen», www.bt.no (på norsk bokmål), henta 28. juli 2019
- ↑ «Litt lyst til å pule... : AFV Press», www.afvpress.com, henta 28. juli 2019